AQSh prezıdentiniń ákimshiligi Birikken ulttar uıymy men basqa da halyqaralyq uıymdarǵa bólinetin qarjylandyrýdy 40%-ǵa qysqartý týraly jarlyq daıyndap jatyr, dep jazady abctv.kz.
Budan buryn prezıdent ákimshiliginiń baspasóz hatshysy Donald Tramptyń AQSh-tyń BUU men NATO-ǵa qarjy quıýyn quptamaıtynyn jetkizgen. Bul sheshim qabyldansa BUU-nyń jumysy ózgeredi. Sebebi beıbitshilik mıssııasynyń 25%-yn AQSh qarjylandyrady.
Buǵan deıin Tramp BUU-nyń zor áleýetke ıe ekenin, biraq «ýaqytty jaqsy ótkizýge bolatyn jerge» aınalǵanyn aıtqan bolatyn.
Donald Tramp Palestına avtonomııasy kiretin uıymdardy, sondaı-aq Iran men Soltústik Koreıaǵa salynǵan sanksııalardy syrt aınalyp jumys isteıtin ózge de qurylymdardy qarjylandyrýdy tolyqtaı toqtatýdy josparlap otyr.