2016 jyldyń qańtar-qyrkúıek aralyǵyndaǵy Qytaıdan kelgen tikeleı ınvestısııa aǵyny 623,9 mln. dollardy qurady. Bul 2015 jyldyń sáıkes kezeńimen salystyrǵanda 7 esege kóp, dep jazady finprom.kz.
Alaıda keri baǵyttaǵy saýda belsendiligi quldyraý ústinde. Qazaqstannan Qytaıǵa jalpy ınvestısııa aǵynynyń kólemi bir jyldyń ishinde 3 paıyzǵa kemip, 2016 jyldyń qańtar-qyrkúıeginde 41,1 mln. dollardy quraǵan. Qazaqstannyń Qytaıǵa jalpy syrtqy qaryzy 12,3 mlrd. dollar (2016 jyldyń qyrkúıek aıynyń sońy) deńgeıinde qalyptasyp otyr. Onyń negizgi bóligi banktik emes qarjylyq uıymdar men qarjylyq emes uıymdarǵa, úı sharýashylyǵy men kommersııalyq emes uıymdarǵa tıesili.
Qytaı Qazaqstannyń basty 4 saýda seriktesteriniń biri. 2015 jyldyń sońynda eki eldiń arasynda kólik ınfraqurylymy, saýda, qaıta óńdeý ónerkási, qurylys, aýyl sharýashylyǵy jáne basqa da salalardaǵy yntymaqtastyqtyń klasterlik aımaqtaryn qurý boıynsha 5 kelisimge qol qoıylǵan. Qazaqstan bul elge azyq-túlikti arzanǵa sata bastady. 2016 jyldyń qańtar-qarashasynda Qytaıǵa jetkizilgen azyq-túlik ónimderi eksportynyń kólemi 115,5 mln. dollardy qurady. Bul 2015 jyldyń sáıkes kezeńindegi kórsetkishten 28 paıyzǵa kem.