Almaty oblysynda borandy kúni jolǵa shyǵyp, qalyń qardyń qursaýynda qalǵan 121 adam evakýasııalandy. Bul týraly 24.kz habarlady.
Oblystyq tótenshe jaǵdaılar departamentiniń qyzmetkerleri «Altyn Emel» asýynda qarǵa batyp qalǵan eki jolaýshylar avtobýsy men 7 jeńil kólikti aman alyp shyqty. Oqıǵa bolǵan jerge arnaıy qutqarý jasaǵy dereý jetip, qar qursaýynda qalǵandarǵa kómek bermegende istiń nasyrǵa shabýy ábden múmkin edi. Sebebi, kúndiz kún jyly bolǵanymen, tún mezgilinde termometr baǵany -20 gradýsqa deıingi sýyqtyqty kórsetip tur.
«Saryózek-Kóktal» tasjolynyń boıynda tótenshe jaǵdaıǵa tap bolǵan jolaýshylardy qutqarý birneshe saǵatqa sozyldy. «Bul oqıǵadan adamdardyń densaýlyǵyna eshqandaı da nuqsan kelgen joq. Jolda qalǵan jolaýshylardyń barlyǵy din aman», – deıdi tótenshelikter.