Qapshaǵaı qalasynda azyq-túlik ónimderin óndirýmen aınalysatyn jańa zaýyt salyna bastady, dep habarlady 24.kz.
Bul óndiris oshaǵy iske qosylǵan kezde 800 jergilikti turǵyn jumyspen qamtylady. Onyń qurylysyna muhıttyń arǵy jaǵyndaǵy AQSh-tan 35 mıllıon dollar tartylǵan. Bolashaqta munda shyǵatyn ónimniń jyldyq aınalymynyń ózi 30 mıllıard teńgeden asýy múmkin.
Zaýyttyń alǵashqy ǵımaratynyń qurylysy bıyl aıaqtalýy tıis. Joba kezeń-kezeńimen júzege asatyn bolady. Kásiporyn 2025 jyly tolyq qýatymen jumys isteıdi dep josparlanyp otyr. Onda shyǵatyn azyq-túlik ónimderi О́zbekstan, Tájikstan, Mońǵolııa jáne Qytaı elderine eksporttalmaq.