Jambyl oblysyndaǵy Sarysý aýdanynda «Jumyspen qamtý - 2020» baǵdarlamasy aıasynda berilgen nesıeniń 80 paıyzy mal sharýashylyǵyn damytýǵa jumsalady. Sebebi, bul óńir ata kásipti óristetýge qolaıly. Onyń ústine etke degen suranys ta jyl sanap artyp otyr. Sondyqtan aýdan jurtshylyǵy tıimdi salaǵa basa nazar aýdara bastady. Ásirese bul iske aýyl jastarynyń qulshynysy artyp keledi, dep habarlady 24.kz.
«Jumyspen qamtý» baǵdarlamasynyń ekinshi baǵyty boıynsha 6 paıyzben 6 mıllıon nesıe alyp, bıznesimdi bastadym. Maldyń basyn kóbeıtip, bordaqylaýmen aınalysyp, keleshekte úlken kásipker bolýdy armandaımyn», – deıdi jas kásipker Ádilet Tańlabekov.
«Jumyspen qamtý-2020» baǵdarlamasy aıasynda aýdanda byltyr 175 mıllıonnan astam qarajat ıgerilgen. 65 adam ótinish bildirip, 55 adamnyń jobasy maquldanǵan.