Aralas jekpe-jekten (UFC) jartylaı orta salmaqtaǵy álem chempıony Konor Makgregor sharshy alańda Floıd Meıýezermen judyryqtasýy múmkin. Málimetter boıynsha, jekpe-jek 2017 jyldyń sońynda nemese 2018 jyldyń basynda ótedi. Bul týraly vesti.kz habarlady.
Irlandııalyq sportshynyń aıtýynsha, ol jýyq arada Las-Vegasqa baryp, boksshynyń lısenzııasyn alýǵa daıyndalyp jatyr eken.
«Meniń oıymsha, bul mıllard dollar úshin ótetin birinshi jekpe-jek bolady. Kezdesý bıylǵy jyldyń sońynda nemese keler jyldyń basynda ótetin shyǵar. Qazir men Las-Vegasqa baryp, boksshynyń lısenzııasyn alýǵa daıyndalyp jatyrmyn. Sodan soń Meıýezerdiń usynysyn kútemin», – deıdi Konor worldboxingnews basylymyna bergen suhbatynda.
Aıta keteıik, buǵan deıin álemdik BAQ-ta amerıkalyq boksshy Floıd Meıýezer Konor Makgregorǵa kezdesý úshin 15 mıllıon dollar usynǵany habarlanǵan. Alaıda, ırlandııalyq sportshy bul aqshany azsyndy. Osydan keıin UFC prezıdenti Dana Ýaıt eki sportshyǵa da jekpe-jek úshin 25 mıllıon dollar usynǵan bolatyn. Biraq bul usynysty Meıýezer qabyldaǵan joq.