2016 jyldyń qorytyndysy boıynsha zeınetaqy aktıvterindegi ınvestısııalyq kiris 531 mlrd. teńgeni qurady. Bul týraly QR Ulttyq banki tóraǵasynyń orynbasary Ǵalymjan Pirmatov aıtty.
«Osylaısha, ótken jyl boıy BJZQ-nyń zeınetaqy aktıvteri boıynsha ortasha alynǵan aı saıynǵy kiris 44,3 mlrd. teńge deńgeıinde boldy», dedi QR Ulttyq Banki tóraǵasynyń orynbasary.
Onyń aıtýynsha,2016 jylǵy 12 aıda zeınetaqy aktıvteriniń 848,7 mlrd. teńgege 6,7 trln. teńgege deıin ulǵaıǵan. Bul rette bul ósimniń 62,6%-yn alynǵan ınvestısııalyq kiris quraǵan. 2017 jylǵy 1 qańtardaǵy jaǵdaı boıynsha «BJZQ» AQ salymshylarynyń zeınetaqy jınaqtary 6 685,3 mlrd. teńge bolǵan. Onyń ishinde 5 334,9 mlrd. teńge (80%) mólsherindegi zeınetaqy jarnalary, 1 350,4 mlrd. teńge (20%) mólsherindegi somany ınvestısııalyq kiris qurady. «BJZQ» AQ qurylǵan sátten bastap, saqtandyrý uıymdaryna aýdarymdardy qosa alǵanda, salymshylarǵa tólengen zeınetaqy tólemderiniń kólemi 410,6 mlrd. teńgeni qurady. Sondaı-aq Ǵ. Pirmatov ınvestısııalyq kiristi esepteý kún saıyn júzege asyrylatynyn aıtty.