«QazMunaıGaz» Barlaý О́ndirý» AQ 2016 jyldyń operasııalyq nátıjelerin jarııalady.
«О́zenmunaıgaz» AQ (О́MG) 5 555 myń tonna (táýligine 112 myń barrel) óndirdi, bul 2015 jylǵa qaraǵanda 1%-ǵa artyq. «Embimunaıgaz» AQ (EMG) 2 832 myń tonna (táýligine 57 myń barrel) óndirdi, bul 2015 jylmen salystyrǵanda 0,3 %-ǵa kóp. Nátıjesinde, О́MG jáne EMG-niń jalpy óndirý kólemi 8 387 myń tonnany (táýligine 169 myń barrel) qurady, bul 2015 jyldaǵydan 1%-ǵa artyq.
QMG BО́-niń CCEL, QGM jáne PQI kompanııalarynyń óndirýindegi úlesi 2016 jyly 3 767 myń tonnany (táýligine 76 myń barrel) qurap, 2015 jylǵa qaraǵanda 6 %-ǵa kem tústi, bul negizinen PQI-daǵy munaı óndirý deńgeıiniń tabıǵı jolmen azaıýyna baılanysty boldy.
QMG BО́ «Qazgermunaı» BK» JShS (QGM), «Qarajanbasmunaı» AQ (CCEL), «PetroQazaqstan Ink.» (PQI) úlesterin qosa alǵanda, 2016 jyly 12 154 myń tonna (táýligine 245 myń barrel) munaı óndirdi, bul 2015 jylmen salystyrǵanda 2%-ǵa kem.