Astananyń qala qurylysy keńesi saıabaqtar men gúlbaqtar salý, elorda kóshelerin jaryqtandyrý, kógaldandyrý jáne abattandyrý máselelerin qarady, dep habarlady qala ákimdigi.
Keńes músheleri iri jasyl alqaptar jasaý arqyly ekojúıeni jaqsartý úshin qazirgi kógaldandyrý baǵdarlamasyn damytýdy usyndy.
«Kreatıvti jobalar» baǵdarlamasy aıasynda elordanyń túrli bóliginde 17 saıabaq pen gúlbaq jasaý boıynsha joba belsendi ázirlenýde. Olardyń úsheýi boıynsha jobalaý jumystary aıaqtaldy.
Aıta keteıik, Astananyń qala qurylysy keńesi biryńǵaı sáýlettik jáne qala qurylysy saıasatyn iske asyrý, qolǵa alynǵan jobalardyń sapasyn arttyrý úshin quryldy. Keńes quramyna qalalyq ákimdiktiń ókilderi, sáýlet, qala qurylysy jáne qurylys isteri boıynsha jergilikti atqarýshy organdardyń, MSQB basqarmasynyń basshylary, sondaı-aq jetekshi sáýletshiler kiredi.