«Zergerlik buıymdardan brend jasaǵym keledi»

Zergerlik óneri ismer­likpen qosa, asqan taban­dylyqty, yjdaǵat­tylyq­ty qajet etedi. Bul – aýqy­my jaǵynan shaǵyn bolyp kóringenimen, óte názik te kúrdeli óner. Osy ónerdiń qıyndyǵyna moıy­maı, elge zergerligimen tanylǵan Abzal Molda­bekovpen kúr­deli ónerdiń qyr-syry tó­ńi­re­ginde áńgime­les­ken edik. – Nelikten zergerlikti tań­dadyńyz jáne osy ónerge qaı kezden bastap qyzyqtyńyz? – Jalpy, zergerlik ónerge oqýshy kezimnen bet burdym. Kish­kentaı kúnimnen qoldan bir nár­se jasaýǵa, quras­tyrýǵa, sýret sa­­lýǵa jaqyn tur­dym. Úlken aǵam Serik sýret, qolóner ja­ǵy­na beıim boldy, ataqty Dár­­kenbaı Shoq­par­­­ulynan tá­lim aldy. Oqý­shy kezimnen aǵam­­nyń janyna erip júrip, qyzyǵýshy­ly­ǵym arta bas­tady. Sóıtip, aǵam­nyń arqa­synda zer­gerlikke birjola bet bur­dym. – Altyn, kúmisterdi qaıdan aldyrasyz, olardyń sapasyn qalaı tekseresiz? – Altyn men kúmisti altyn satatyn jerden senimdi adamnan alamyn. Keıde ózimiz de qospasy kóp metaldardy óńdep jasaımyz. Sapasyn arnaıy qyshqyldarmen, ádis-tásildermen tekseremin. – Qazirgi tańda tapsyrys qanshalyqty kóp? – Tapsyrys árqashanda bar, úlgermeı jatatyn kezder kóp kezdesedi. Sol úshin tapsyrysty bir aı buryn nemese on bes kún buryn qabyldaımyn. Qazaqy oıý-órnektermen kómkerilgen neke júzikterine degen suranys óte kóp. – Buıym baǵasyn qalaı anyqtaısyz, óz jumysyńyzdy laıyqty deńgeıde baǵalaımyn dep oılaısyz ba? – Buıymnyń baǵasyn jasal­ǵan materıalyna, ýaqyty men izdenisine jáne jumysynyń qıyndyǵyna qaraı baǵalaımyn. О́z jumysymdy jaqsy bilgendikten durys baǵalaıtynyma senimdimin. Jaqsy dúnıe jasaý úshin qoly­myz ne kórmeıdi, keıde qanaıdy, kúıedi, saýsaqtyń terisi birge egeledi. Biraq, isiń bitkende berekesin kóresiń, rahat sezimge bólenesiń. Ádil saýdagerdiń dárejesi bıik bolady deıdi ǵoı, bireýge jelinsek te, eshkimniń aqysyn jegen emespiz. – Zergerlik buıymdaryńyzǵa tapsyrys berýshilerdiń barly­ǵynyń kóńili tola ma? – Kóp jurttyń kóńilinen shyǵady dep oılaımyn. Rah­metin aıtyp, rızashylyǵyn bildiretinder shoǵyry qalyń. Alys qalalardan da arnaıy kelip tapsyrys beretinder de az emes. – Osy kásibińiz sizdi asyrap otyr ma, ıaǵnı ómir boıy osy is­pen aınalysamyn degen nıe­tińiz bar ma? – Negizi, páter jaldap tur­masam, kásibim ózime jetip artylar edi dep oılaımyn. О́mir boıy osy kásippen aınalysý ári aldaǵy ýaqytta shákirtter tárbıeleý de oıda bar. Biraq, materıaldyq qıyndyqtar kóp nársege qol­baılaý. Talaı ret basqa salaǵa ke­tip qala jazdaǵanmyn... Alaıda, ja­nymnyń qalaýy ári rahaty osy kásibim dep bilemin. – Ulttyq oıý-órnektermen bederlengen buıymdaryńyz jo­ǵary suranysqa ıe me, álde basqa stılde jasaǵanyńyz ótimdi me? – Basty maqsatym – qazaqtyń zergerlik buıymdaryn álemdik brendke aınaldyrý, qazaqtarǵa ǵana emes, sheteldikterge de sura­nys týǵyzatyn dúnıe jasaý. Meniń buıymdarym arqyly basqa jurttar Qazaq elin tanıtyndaı dárejege jetsem deımin. Sol sebepti kóbine ulttyq stıl­degi buıymdardy usynamyn. Tapsyrys berýshiler arasynda sheteldegi qandastarymyz, sonymen qatar, shetel azamattary da bar. Túrik, nemis, orys, amerı­kalyqtarǵa da tapsyryspen buıymdar jasaǵanbyz. – Bir tapsyrysty oryndaýǵa qansha ýaqyt jumsaısyz? – Birden kóz tartar dúnıe jasaý múmkin emes, kúni-túni altyn ýaqytyńdy sarp etesiń, bir buıymdy 5-6 ret jasaýyń múmkin. Jumysqa tııanaqtylyq, tazalyq, qaıtpas jiger jáne sabyr kerek. Zergerlik – shańnyń tozańyndaı salmaqqa deıin mán berýdi talap etedi. Jasap otyrǵan buıymdy júrekpen, shyn nıetpen isteseń ǵana erekshe shyǵady. Sondyqtan árqaısysyna ártúrli ýaqyt jumsalady. – Alda qandaı josparla­ryńyz bar? – Keleshek josparym – bas­pana salý, baspanasyz bıznesiń bıznes emes, tapqanyńdy dalaǵa shashý. Onsyz jumysqa tolyq berilý qıyn. Kásibimdegi basty maq­satym – shákirt tárbıeleý, úıren­genimmen bólisý, aldaǵy jyly magıstratýraǵa oqýǵa túsip, oqý oryndarynda ustazdyq etý de oıymda bar. Sonymen birge, sheber­hanany úlkeıtip, zergerlik salonymen birge ashqym keledi. Múm­kindigim bolsa, zergerlik óner­diń qyr-syryn úıretýge ar­nal­­ǵan oqýlyq shyǵarý oıymda bar. – Áńgimeńizge rahmet. Áńgimelesken Farıza BAÝYRJANQYZY, «Egemen Qazaqstan»