Qazaqstan qorjynynda – qos altyn

Alǵashqy altynnan aınaldyq!

Súıinshi! Dál osy mezette Qazaqstan qorjy­nyna alǵashqy altyn kelip tústi! 2015 jyl­ǵy Ýnıversıadada (Ispanııa, Slo­vakııa)  altyn medal alǵan bıatlonshy Alına Raıkova sondaǵy kórsetkishin Al­matyda qaıtalady. 15 shaqyrymdyq qashyqtyqta myltyq atýdan nebári eki ret «súringen» A.Raıkova 59 mınýt 48,7 sekýnd kórsetkishpen altynnan al­qa taqty. Bar joǵy +2:21 kórsetkish art­ta qalǵan taǵy bir bıatlonshymyz Ga­lına Vısh­nevskaıa kúmis medalǵa qol jet­kizdi. Bizdiń alǵashqy altynymyz! Ekinshi kú­misimiz!

Janbota men Baǵlannyń baǵy janǵan sát

Bárimiz jaqsy kóretin, aty ańyzǵa aınalǵan Medeýdiń qudireti bolar, er jigitter 5 myń shaqyrymdyq qashyq­tyq­qa konkımen jolǵa túsken osynaý syndarly sátte Alataýdyń Talǵar jaǵynan taǵy bir júrekjardy qýanyshty ja­ńalyq kelip jetti!!! Frıstaılshy sulýymyz Janbota Al­­da­bergenova sózinde turdy, aǵaıyn! Onyń keshegi qola alǵanda tolqyp turyp: «Aldaǵy komandalyq saıys­ta qatelik jibermeýge tyrysamyn», degen ýádesi oryndaldy. Janbota Al­da­bergenova men Baǵlan Ińkárbek tandemi qorjynymyzǵa ekinshi altyn medaldy saldy. Jaǵalasqan qytaılyq qos komanda da artta qaldy... Bul kún bar jaqsy jańalyq bıik taýdaǵy «Medeý» sport keshenindegi bas­­pasóz ortalyǵyna kelip toǵysqan kún boldy! Atyńnan aınalaıyn, Alataý! Atyń­nan aınalaıyn, Medeý! Alaıda, ataqty Medeý búgin bizge bir ǵana medal syılady. О́kinishke qa­raı, erler arasyndaǵy 5 myń metrlik qa­shyq­tyqta saıdyń tasyndaı kil iri jigit­terimiz júldesiz qaldy. Bul alamanda birinshi bolyp ıtalııalyqtar márege jetti. Japondar ekinshi, Avstrııa sport­shylary úshinshi bolyp máre syzyǵyn qıdy. Sportshylar kıim aýystyratyn zalda Ýnıversıada ótkizýshi dıreksııanyń jetekshisi Naıl Nurovpen kezdestik. Búgingi Alataýdaǵy japalaqtap jaýǵan qardyń sportshylarǵa qanshalyqty  qıyn­dyqtar týǵyzǵany jóninde saýal tas­tadyq. – Tańǵy saǵat 9.00-de Shymbulaqqa túsken qardyń qalyńdyǵy 50 santı­metrge jetti. Toqtaýsyz jaýyp turdy. Ja­rys sharttaryna saı mundaı jaǵ­daıda báseke toqtaıdy, – dedi Naıl Fa­rıd­uly. – Sol sebepti de Shym­bu­laqta ótetin áıelder krosy erteńge aýystyryldy. Snoýbordtan jarys eki saǵatqa shegerildi. Shańǵy jary­sy men bıatlonǵa qatysýshy sportshy­lary­myzǵa da japalaqtap jaýǵan qardyń tıgizgen áseri az bolmady. Erteń kún ashylýy tıis... Ýnıversıadanyń ekinshi kúnin Qa­zaqstan sportshylary 2 altyn, 2 kú­mis jáne 4 qola medalmen – jalpy­ko­mandalyq esepte ekinshi orynmen aıaq­tady. Medeýdiń aspanynan altyn jaýatyn kúnder alda. Úmitimizdi úzbeıik! О́ıtkeni, konkıshilerimiz erteń, búrsigúni, onyń arǵy kúni... ózimizdiń Medeýde taǵy da baq synaıdy, kúsh kórsetedi...  

Medeýdiń qary tizeden...

Qardyń jaýǵany jaqsy emes pe?! – Qystyń kúni Medeýde qar jaýǵany onsha quptarlyq jaıt emes, – dedi rııasyz jymıǵan bıik taýdaǵy «Medeý» sport ke­sheni­niń bas menedjeri Dýlat Keı­kın. – Onyń sebebi, ózderińiz bile­sizder, bizdiń «Medeý» dúnıe júzi boıynsha ashyq aspan astynda ornalasqan biregeı muz aıdyny. Solt-Leık-Sıtı (AQSh) men Kal­garı (Kanada) qalalaryndaǵy bizdikine uqsas bıik taýdaǵy muz aıdynynyń ereksheligi sol, ol stadıondardyń qajetti kezin­de shatyry jabyla qoıady. Son­dyqtan da­ bizge mynaý japalaqtap tynymsyz jaýǵan appaq qardy aıdyn betinen mezgil-mezgil tynbaı tazalap turýǵa týra kelýde. Búgingi bas menedjer, keshegi keshenniń bas ınjeneri Dýlat Járdemulynyń esimi «Medeý» sport keshenimen tikeleı baıla­nysty. Sebebi, muzdatý-tońazy­tý tehnologııasynyń bilikti ın­jeneri osy sporttyq keshende bar­lyǵy 25 jyl eńbek etken bolsa, onyń 20 jylynda bas ın­je­ner qyzmetin atqarǵan eken. Me­deý­d­iń keshegi jáne búgingi bar tynysy, tirshiligi ózine son­dyq­tan da óte jaqsy tanys. Bilik­ti mamandy Ýnıversıada dırek­sııasy jarys qarsańynda ǵana syrǵanaq aıdynyna menedjerlik qyzmetke shaqyrýynyń syry osynda jatsa kerek. Iá, bıik taýdaǵy «Medeý» sport kesheni dúnıe júzinde osy­­naý qasıetterimen de erek­she­­lenedi. «Medeý» qaı kezde de Qazaqstannyń brendi bolǵan, bolyp qala bermek. Saǵat 11.00. Tópelep jaýǵan qar toqtar emes. Muz aıdynynda sportshylardaı-aq zyr qaqqan qar tazalaǵash tehnıka muzdyń betin aınadaı etip jaltyratyp tastady.

Qola medaldy qomsynbaımyz

...Ysqyryq estilisimen áıel­­der arasyndaǵy konkı­men 1500 metr qashyqtyqqa júgirý­den j­a­rys bastalyp ketti. Qazaq­stan­nyń namysyn 12 sportshy qyz­dary­­­myz qorǵaıdy. Olardyń ara­syn­­da ataqty Ekaterına Aı­dova, Nadejda Sıdelnık, Tatıana Klımýk, Marııa Sızova jáne bas­q­alary bar. Qustaı ush­qan qyz­darymyzdyń dál bú­gin rekord jasaıtynyna sene­ıik! Medeýdiń rýhy qaıta kóteril­gendeı! Mine, qyzdar arasyndaǵy ekinshi jup sapqa turdy. Ázirge jeńimpazdyq kórsetkish joq... Aıtpaqshy, dál osy sát­te Ýnı­­versıada-2017 baspa­sóz or­ta­lyǵynan aýa raıy­nyń qolaı­syz­dyǵyna baıla­ny­s­ty Medeýdiń ıyǵyndaǵy «Shym­bulaq» taý shańǵysy keshe­nin­de taý shańǵysy kombı­nasııa­syna kiretin áıelder ara­syn­daǵy sýpergıgant jary­sy keıin­ge shegerilgeni týraly habar tústi. Sondaı-aq, tópelep jaý­­ǵan qar Ýnıversıadanyń sım­volyndaı bolǵan «Suńqar» ataý­ly tramp­lınde de qos saıys túrin­degi bıiktikten sekirý jary­syn toqtatypty. Áıgili «Alataý» sport keshenindegi bıatlon men shań­ǵy jarysynyń ótý ýaqytyna ózgertýler engizilýi múmkin eken. Soǵan qaramastan, ıá, soǵan qaramastan... rekordtar usta­hanasy sanalatyn bıik taý­daǵy «Medeý» muz aıdy­ny­nyń jıe­ginde turyp, janymyzǵa ja­ǵym­dy jańalyq estidik. Ýnıversıadanyń alǵashqy kúni Qazaqstan qorjynyna birin­shi bolyp qola medal salǵan shań­ǵyshy Anna Shevchen­ko taǵy da júldegerler qatary­­nan kórindi deıdi! Búgingi 5 sha­qy­rymdyq erkin stıldegi áıel­der arsyndaǵy ótken j­arys­ta 13:51,0 kórsetkishimen dara­lan­ǵan shańǵyshy qyzymyz ekin­shi ret qola medal utyp aldy. Bul joly da keshegi basty qarsylastar – reseılikter Anna Nechaevsaıa men Lılııa Vasıleva altyn men kúmisti qoldan alyp ketti. Nazar aýdararlyǵy sol, búgin altyndy – Lılııa, kúmisti – Anna aldy. Beınebir, reseılik shańǵyshy qyzdar ózara aldyn ala aqyldasyp alǵandaı-aq... Jaraıdy, ózimizdiń Annamyzǵa qutty bolsyn aıtaıyq! Ár ja­rys medalsiz emes, áıteýir... ázirge! Úmitimiz – rekordtar usta­hanasy atanǵan Medeýde!!! Medeýdiń muzynyń ústinde konkıdiń tabanynan ot ushqyn­daı bastady. Jarys qyzdy. Mine, aıtyp aýyz jıǵan­sha bol­­ǵan joq, áıgili konkı­shimiz Ek­a­­terına Aıdovamyz 1500 metr­­lik qashyqtyqta júldeli úshin­­shi orynǵa shyǵyp bárimizdi bir mar­qaıtyp-aq tastady. Katıa­nyń kózdegeni odan da bıik edi! Alaı­da, búginge – osy. Áıelder ara­syn­­daǵy jarys qas pen kózdiń ara­synda aıaqtaldy da qaldy. «Medeýdegi» alǵashqy medal! Qazaqstannyń 5-shi medali... «Medeý» sporttyq kesheni­niń muz aıdynynda da, aınala­syn­da da qarbalas tirlik qaı­nap jat­ty. Ústine úıme-úıme qar tı­gen aýyr kólikter tómen qa­raı qul­dı­lap ketip jatty. Qar jaý­­­ǵa­­nyn toqtatar da emes. Al­ma­­ty­­nyń Tótenshe jaǵdaılar de­­par­­ta­­­menti de «qalǵymaı», Ala­­taý­­da qar kósh­kini júretini týra­ly sýyq habar­dy qaıta-qaıta SMS ha­bar­­la­mamen joldaýdan jalyǵar emes. Saǵat 13.00-de bastalatyn 5 myń metr qashyqtyqqa júgi­retin konkıshi jigitterdiń báse­­ke­si tabıǵattyń qubylýyna baı­­la­nysty 14.45-ke shegerildi. Medal kútip otyrmyz... Talǵat SÚIINBAI, «Egemen Qazaqstan»  ALMATY