Prezıdenttiń bıylǵy Joldaýynyń, bizdiń paıymdaýymyzsha, jaýapkershiligi men talaptary tipti erekshe. Áńgime elimizdiń ekonomıkalyq damýyn tehnologııalyq relsterge qoıý arqyly tehnologııalyq jańǵyrtý týraly bolyp otyr. Elbasy N.Nazarbaev usynǵan sıfrlyq tehnologııa, 3D-prıntıng, onlaın-saýda, mobıldi bankıng, sıfrlyq qyzmet kórsetý sekildi densaýlyq saqtaý, bilim berý isinde qoldanylatyn jáne basqa da perspektıvaly salalardy damytý – sony da asa kúrdeli talaptar. Jáne bul ózgeristerdiń barlyǵy eńbek ónimdiligin arttyrýǵa tıis. Tehnologııalyq jańǵyrýdyń bel ortasynda sheshýshi basymdyqtardyń biri – adamı kapıtal sapasyn jaqsartý ekendigine Prezıdent taǵy da nazar aýdardy. Iаǵnı, ındýstrııalyq revolıýsııaǵa ený, ilesý, onyń ıgilikterin ıgerý, olardyń elimizdiń óndirisine engizilýi, sapasy taǵy da adamǵa, kadrlarǵa baılanysty. Osy rette, Joldaýda aıtylǵandaı, bilim salasyn ekonomıkalyq ósýdiń jańa modeliniń ortalyq býynyna aınaldyrýdy – máseleniń jańasha qoıylysy, múlde sony, erekshe de naqty talap dep qabyldaý qajet. Bul – óndirisshiler men jumys berýshiler de óz damýynyń, ósýiniń jańa modelin jańa sapaǵa, deńgeıge kóterip, óz salasynyń bolashaǵyn, básekege qabilettiligin búgingi kásiptik bilim salasynan izdep, jańa baılanystardy qazirden qalyptastyrýy, kadrlardyń jańa býynyn ázirleýge ózderi de túbegeıli bet burýy qajet degen sóz. Prezıdenttiń jahandyq, tehnologııalyq jańǵyrýdyń keleli de kúrdeli máselesin aıqyndaı, saraptaı usyna otyryp, osyndaı ahýalda – ındýstrııalyq revolıýsııa jaǵdaıynda da elimizde qazaq tiliniń basymdyǵy saqtalady, keleshekte onyń ári qaraı damýyna zor kóńil bólinedi degen túbegeıli, ornyqty, ashyq paıymy kóńilge senimdi optımızm, maqtanysh uıalatatyndyǵyn ashyq aıtqym keledi. Elbasy tehnologııalyq serpilis, sekiris, jańarý kezeńindegi qala men aýyl mektepteri arasyndaǵy bilim berý sapasynyń alshaqtyǵyn azaıtý qajettigine nazar aýdarýy keleshekte aýyl jastarynyń bilim keńistigindegi básekege qabilettigin arttyrary sózsiz. Joldaýdaǵy Prezıdenttiń joǵary bilim berý júıesi sapasyna, joǵary oqý oryndarynyń kadrlyq quramyna, materıaldyq-tehnıkalyq jabdyqtalýy deńgeıine, bilim berý baǵdarlamalaryna qatysty baqylaý men talap kúsheıtilýi qajettigi týraly oılary bul salanyń eń ózekti, eń kókeıkesti máselelerin dóp basyp, aıqara kóterýi osy salanyń basshylary men tıisti mınıstrliktiń qaterine aıqyndaýshy baǵdar ekendigin joǵary mekteptiń baıyrǵy qyzmetkeri retinde tolyq maquldaımyn. Osy bir túıindi, tujyrymdy joldarda salanyń eń kúrdeli de qat-qabat problemalary jatyr. Sondaı-aq, bul Joldaýda el ishindegi qaýipsizdik ahýalyn jaqsartý, ony dinı ekstremızmniń aldyn alý arqyly júzege asyrý, dinı qarym-qatynas salasyndaǵy radıkaldyq kózqarasqa baılanysty kez kelgen áreketke «múlde tózbeýshilikti» qalyptastyrý máselesiniń kóterilýi de óte ózekti. Ekonomıkalyq josparlardy júzege asyrý úshin elimizge ishki tynyshtyq kerek. Memleketimizge syrttan tańylyp otyrǵan dinı ekstremızmniń basty obektisi – jastar. Bul problemaǵa eń aldymen búkil qoǵam, eń aldymen, ár ata-ana, otbasy betburys jasaýy kerek. Balanyń dúnıetanymy, talǵamy, kózqarasy eń kúrdeli, eń názik másele, sebebi, onyń artynda el, ult taǵdyry tur. Ony qalyptastyrý, jas ulandy ultqa, elge qyzmet eter azamat etip tárbıeleý ata-ananyń tól, adamdyq boryshy. Onda qoǵamnyń, ulttyq túpkilikti múddesi bar. Ol, saıyp kelgende, eldiń ishki qaýipsizdigine, el, urpaq tynyshtyǵyna qosylar úles. Men Joldaýdan osyny túıdim. Osyny basqalar da baǵamdap, paıymdasa deımin. Prezıdent Joldaýynan alǵash paıymdap, oqyǵandaǵy oıǵa uıalaǵan alǵashqy ushqyr oılar osyndaı. Joldaý qoıǵan mindetter tym kúrdeli de naqtyly. Ony júzege asyrý – eldikke, ár deńgeıdegi memlekettik organdar basshylyǵyna syn, ár azamatqa qasterli paryz.
Náýbat QALIEV,
L.N.Gýmılev atyndaǵy Eýrazııa ulttyq ýnıversıtetiniń professory