Jýyrda «Qazgıdromet» RMK aýa raıynyń ózgerisin naqty boljaıtyn jańa jabdyqty iske qospaq. «Qazgıdromet» RMK klımattyq ózgeristerdi boljaý jáne modeldeýge arnalǵan jańa jabdyqqa BUU-nyń Qazaqstandaǵy Damý baǵdarlamasy arqyly ıe bolyp otyr. Mundaı eń sońǵy ınnovasııalyq jabdyqty qoldana otyryp, el klımatologtary Qazaqstan úshin klımat ózgerisiniń ssenarııin jáne naqtylanǵan úlgisin jasap shyǵara alady.
Jańa qural kútilip otyrǵan klımat ózgerisiniń barysyn barynsha naqty esepteýge múmkindik beredi. Sondaı-aq Qazaqstan úshin boljam jasaýdyń halyqaralyq standarttaryn beıimdeı, meteorologııa, agrometeorologııa, gıdrologııa, ekologııa sekildi túrli sektorlar úshin táýekeldilik kartasyn jasaqtaı alady.
BUU damý baǵdarlamasynyń «Qazaqstandaǵy klımattyq táýelsizdik» jobasy boıynsha úılestirýshisi Janar Esenovanyń aıtýynsha, Qazaqstannyń aýa raıy ár túrliligimen erekshelenedi. Ekonomıkanyń mańyzdy salalary aýyl sharýashylyǵy, energetıka, sý resýrstary, turǵyn úı-kommýnaldyq sharýashylyǵy ýaqytymen beriletin meteorologııalyq boljamdarǵa táýeldi. Mine, osy jaǵdaıda BUU DB usynyp otyrǵan aýa raıynyń ózgerisin dáldikpen boljaıtyn jańa jabdyq arqyly el klımatologtary qaýipti sel tasqyndary, daýyl, kóshkin, tasqyn sý sekildi tabıǵat apattaryn júıeli túrde naqty boljaı alý múmkindigine ıe bolady. Basqasha aıtsaq, ekonomıkaǵa tıetin zardaby men adam ómirine qaýip tómendeıdi. Jańa quraldy ákelý Qazaqstan meteoqyzmetiniń tehnıkalyq áleýetin kúsheıtý maqsatynda júzege asyryldy.
Venera TÚGELBAI.