Fılmde basty róldi oınaǵan ırandyq aktrısa Tarane Alıdýstı qańtar aıynyń sońynda Donald Tramptyń amerıkalyq vızany keıbir musylman elderine bermeý týraly sheshimine narazylyq bildirip, "Oskar" syılyǵyn tabystaý rásimine kelmeıtinin aıtqan bolatyn. Sondaı-aq saltanatty rásimge rejısser Farhadı de kelmedi. Amerıkalyq kınoakademııa músheleriniń aıtýynsha, ol da óz áriptesterin qoldaıtynyn jáne AQSh ákimshiliginiń sheshimine qarsy ekenin aıtqan.
Sonymen, qazirgi ýaqytqa deıin myna nomınasııalar boıynsha júldegerler belgili boldy:
Ekinshi plandaǵy úzdik aktrısa - Vıola Devıs Úzdik anımasııalyq fılm - "Ańdar qalasy" Úzdik qysqametrajdy anımasııalyq fılm - "Balapan qumdaýyq" "Úzdik dybys" nomınasııasy - "Kelý" "Úzdik kostıýmder dızaıni" nomınasııasy - "Ǵajaıyp ańdar jáne olardyń mekeni" "Úzdik grım men shash úlgisi" nomınasııasy - "Otrıad samoýbııs" "Úzdik vızýaldy effektiler" nomınasııasy - "Djýnglı kitaby" Úzdik derekti fılm - "O. Djeı: Amerıkalyq" Sonymen qatar qoıýshy rejısserdiń jumysy úshin "Oskar" "La-La Lend" kartınasyna berildi. "Oskardy" tabystaý rásimin 220 memlekette translıasııalanýda. Esterińizge sala ketsek, jyldyń úzdik fılmi ataný úshin 9 fılm synǵa túsýde. Olardyń ishinde ""La-La Lend", "Arystan", "Aı sáýlesi", "Kedergiler", "Manchester teńiz janynda", "Haksoý Rıdj", "Jasyryn pishinder" sııaqty fılmder bar.