Ǵalymdar júktilik kezinde áıel mıynyń qurylymy ózgeretinin dáleldedi, dep jazady women.com. Gollandııanyń Leıden ýnıversıtetiniń ǵalymdary júrgizgen zertteý nátıjeleri kórsetkendeı, qursaǵynda balasy bar áıelderde áleýmettik sıgnaldarǵa jaýap beretin mı bóliginiń qyzmeti báseńdeıdi. Iаǵnı, osy bóliktegi mıdyń sur zaty azaıady da, júkti áıelderde umytshaqtyq paıda bolyp, bir nársege qatty kóńil aýdarý qabileti álsireıdi. Ǵalymdardyń aıtýynsha, mıdyń qurylymy eki jyldan keıin qaıta qalpyna keledi.
Zertteý júrgizgen ǵalymdar júktilik kezinde áleýmettik sıgnaldarǵa jaýap beretin mı bóligindegi sur zat azaıǵanymen, adamnyń bet-álpetin este saqtaý qabiletine jaýap beretin mı bóliginde ol zattyń kóbeıetinin aıtty. "Árıne, júkti áıelderdiń umytshaqtyǵy týraly kóp aıtylady. Biraq osylaısha tabıǵat ár ana óz balasyn tanı bilýi úshin jaǵdaı jasaıdy", deıdi neırobıolog Ebbot Makbet.
Jańa týǵan shaqalaqtardyń bir-birine uqsaǵanymen, olardy analarynyń esh qınalmastan tanýyn ǵylym osylaısha túsindiredi. Iаǵnı, ananyń adamnyń bet-álpetin aıyra bilý jáne este saqtaý qabileti artýy úshin júktilik kezinde umytshaqtyq paıda bolady.