Amerıkalyq Netflix kompanııasy kórermenderge keıipkerdiń taǵdyryn ózderi belgileýge múmkindik beretin tehnologııany daıyndap jatyr, dep jazady Bnews.kz agenttigi Daily Mail basylymyna silteme jasap.
Basylymnyń habarlaýynsha, fılmderdegi keıipkerlerdiń eń mańyzdy sheshim qabyldaıtyn tustary birneshe nusqada túsirilip, oqıǵanyń birneshe baǵyttaǵy jelisi kórermen tańdaýyna usynylady. Kórermender pýlttegi arnaıy batyrmany basý arqyly bir nusqany tańdaıtyn bolady.
«Bul ázirge tek synaq. Qalaı jumys isteıtinin kóreıik, eger sátti bolyp jatsa, teleserıaldarǵa da osy tehnologııany paıdalanymyz", - deıdi kompanııa ókilderi.
Aldaǵy ýaqytta kompanııa serıaldardaǵy oqıǵa jelisin birneshe nusqada túsirip, kórermender ony sheksiz kóre beretindeı etip shyǵarýdy oılastyrýda.
«Interaktıvti tehnologııany engizgennen keıin biz budan da keremetterdi qolǵa alamyz", - deıdi Netflix prezıdenti Rıd Hastıngs.
Sonymen qatar, kompanııa balalarǵa arnalǵan ınteraktıvti shoý jasamaq. Bul ónim alǵash ret bıyl kórermenge usynylmaq.