«Elordadaǵy qaýipsizdik pen jaılylyq» pılottyq jobasyn iske asyrý sheńberinde tıisti tirkeýsiz páterdi jalǵa berýmen aınalysatyn tulǵalardy anyqtaý sharalary júrgizilýde, dep jazady qala ákimdiginiń resmı saıty.
Atalǵan sharany Astana qalalyq IID jergilikti polısııa qyzmeti elordalyq Memlekettik kirister departamentiniń ókilderimen birlese ótkizýde.
Sharalardyń nátıjesinde jyl basynan beri 1000-nan asa jeke kásipker tirkeldi, memlekettiń kirisine 18 mln teńgeden asa qarjy tústi.
«Júrgizilip jatqan jumys operatıvti jaǵdaıǵa oń yqpal etip, jalǵa beriletin páterlerde turatyn adamdar týraly aqparat alýǵa múmkindik beredi. О́tken jyly ýchaskelik polısııa ınspektorlary men Astana q. MKD qyzmetkerleriniń birlesken is-qımylynyń nátıjesinde qala bıýdjetine 85 600 000 teńge kiris tústi», - dep málim etti Astana q. IID JPQ bastyǵynyń orynbasary Gosman Jakın.