Áleýmettik jelilerde «áskerden bosatý» nemese «aq bılet» alyp berý boıynsha qyzmet kórsetý jarnamasy tarap jatyr. Osyǵan baılanysty Qorǵanys mınıstrligi merzimdi áskerı qyzmetke shaqyrýdy keıinge qaldyrý nemese odan bosatý týraly sheshim el zańnamasyna sáıkes tek shaqyrý komıssııasy tarapynan qabyldanatyn eskertip otyr, dep jazady Egemen.kz.
Mınıstrlik málimetinshe, áskerge shaqyrý máseleleri boıynsha zańgerlik keńes berý – zańdy qyzmet. Alaıda medısınalyq qujattardy qoldan jasaý, jalǵan dıagnozdardy rásimdeý jáne áskerı qyzmetten jaltarýdyń ózge de zańsyz tásilderi deldaldar úshin de, shaqyrylýshylar úshin de qylmystyq jaýapkershilikpen jazalanady.
1 naýryzdan bastap kóktemgi áskerge shaqyrý bastalady
«Merzimdi áskerı qyzmet ótkerý kezinde jáne qyzmetten bosatylǵannan keıin eki aı ishinde áskerı qyzmetshiler úshin kredıttik demalys (nesıelik kanıkýl) tetigi qoldanylady. Belgilengen merzimdi tolyq ótegen azamattarǵa bilim berý jeńildikteri usynylady. Sonyń ishinde olarǵa stýdenttik jataqhanadan oryn alýǵa da basym quqyq beriledi. Sondaı-aq joǵary oqý ornyna UBT tapsyrmaı-aq bilim berý grantyn alý múmkindigi qarastyrylǵan. Búgingi tańda elimizdiń joǵary oqý oryndarynda tegin bilim alýǵa arnalǵan sertıfıkattar merzimdi áskerı qyzmet ótkergen 9 myńnan astam qazaqstandyqqa berildi», delingen mınıstrlik habarlamasynda.
Qarýly kúshterde 150 áskerı qyzmetshi-paramedık daıarlanady
Vedomstvo azamattardy osy máselelerdi eskerip, alaıaqtyq júıeniń qurbany bolmaýǵa úndep otyr.
Aıta keteıik, 18-den 27 jasqa deıingi, keıinge qaldyrý nemese bosatý quqyǵy joq er azamattar áskerge shaqyrylady. Shaqyrý jylyna eki ret, naýryzdan maýsymǵa deıin jáne qyrkúıekten jeltoqsanǵa deıin júrgiziledi.
Endi kýrsanttardy áskerı oqý oryndaryna qabyldaý eGov arqyly júrgiziledi