«Zenıt» komandasynyń jastar quramy Viareggio Cup týrnırine qatysý úshin keshe Italııaǵa attandy. Bul týraly sports.kz habarlady.
Igor Sımýtenkov jattyqtyratyn ujymnyń sapynda qazaqstandyq jas shabýylshy Erkebulan Seıdahmetov te bar.
Vıaredjo jerinde ótetin dodaǵa Italııa, Gollandııa, Kanada, AQSh, Brazılııa, Argentına, Nıgerııa, Chehııa, Grekııa, Kongo DR, Belgııa, Horvatııa, Reseı jáne Kolýmbııa elderinen barlyǵy 40 komanda qatysady. Uıymdastyrýshylar tórt komandadan ár topqa bóledi.
«Zenıt» toptyq kezeńde ıtalııalyq «Empolı», «Askolı» jáne amerıkalyq «Atletık Iýnıon» komandalarymen kúsh synasady. Pleı-off kezeńine 10 komanda jáne ekinshi oryn alǵandar arasynda úzdik shyqqan alty ujym shyǵady.
Aıta keteıik, "Taraz" fýtbol klýbynyń túlegi sońǵy bir aıda reseıliktermen birge jattyǵyp júr.