Elordada birqatar avtobýs aıaldamasynyń ataýy ózgertildi. Bul týraly City Transportation Systems kompanııasy Instagram paraqshasynda jarııalady, dep habarlaıdy Egemen.kz.
Jaýapty mekemeniń málimetinshe, ataýlardy ózgertý ortalyq kóshelerdi de, jańa turǵyn aýdandardy da qamtyǵan. Alaıda avtobýs marshrýttarynyń qozǵalysy ózgerissiz qaldy.
Atap aıtqanda, J.Moldaǵalıev kóshesindegi «E-16» aıaldamasy endi «J.Moldaǵalıev kóshesi» dep atalady. Bul jerden №17, 29, 29A, 56, 61 jáne 63 baǵyttar ótedi.
Kenesary kóshesindegi «Saýda-ekonomıkalyq kolledj» aıaldamasy «Kamınnyı» turǵyn úı kesheni bolyp ózgertildi. Munda №9, 13, 55A, 55B jáne 82 avtobýstary júredi.
Astanada LRT aıaldamasynan órt shyqty
Budan bólek, «№15 mektep-lıseı» aıaldamasy endi «Jeńis dańǵyly» dep atalady. Oǵan №4, 4A, 5, 5A, 7, 12, 20, 21, 25, 31, 40, 71 jáne 72 marshrýttary qyzmet kórsetedi. N.Tilendıev dańǵylyndaǵy «Baqyt» qonaq úıi aıaldamasy «Jeti jol» turǵyn úı kesheni bolyp ózgertildi. Bul baǵyttan №46, 49, 65, 120A, 306, 310, 311, 319, 326 jáne 328 avtobýstary ótedi.
Astanadaǵy jyly aıaldamalar «Sergek» júıesine qosyldy
Sonymen qatar, S.Shaımerdenov kóshesindegi «Metro» gıpermarketi aıaldamasy qozǵalys baǵytyna qaraı eki ataýǵa bólindi: «Yrys» jáne «Amirel» turǵyn úı keshenderi. Bul aıaldama arqyly №65, 71 jáne 75 marshrýttary júredi.
Nurbolat AMANBEK