Saýda jáne ıntegrasııa mınıstrligi, Aýyl sharýashylyǵy mınıstrligi jáne Qazaqstannyń Mal sharýashylyǵy odaǵy arasynda sıyr eti baǵasyn turaqtandyrýǵa baǵyttalǵan yntymaqtastyq týraly memorandým jasaldy, dep habarlaıdy Egemen.kz.
Kelisim aıasynda Qazaqstannyń Mal sharýashylyǵy odaǵy ishki naryqty et ónimderimen basym túrde qamtamasyz etýge jáne tapshylyqtyń týyndaýyna jol bermeýge mindetteldi. Sondaı-aq sıyr etiniń eksporttyq kóleminiń keminde 15 paıyzyn saýda jelileri arqyly ishki naryqqa jetkizýdi uıymdastyrý kózdelgen.
Bazardaǵy jańa tártip: Baǵa aıqyndalyp, baqylaý tetikteri kúsheıedi
Budan bólek, óndirýshilerdiń ishki naryqqa sıyr etin ortasha respýblıkalyq baǵadan aspaıtyn, ıaǵnı 1 kelisi úshin 3275 teńge deńgeıindegi baǵa boıynsha jetkizýi qamtamasyz etiledi. Sonymen qatar et ónimderin ishki naryqqa baǵyttaý boıynsha akkredıttelgen eksporttaýshylardyń qyzmetin úılestirý mindeti júkteldi.
15%-dyq mejeden asqan: Azyq-túlik baǵasyn negizsiz kótergen kásipkerge aıyppul salyndy
Aýyl sharýashylyǵy mınıstrligi memorandým sheńberinde ishki naryq tolyq qamtamasyz etilgen jaǵdaıda belgilengen tártippen eksporttyq kvotalardy arttyrý múmkindigin qarastyrady.
Nurbolat AMANBEK