TIME jýrnaly álemdegi eń yqpaldy 100 adamnyń jyl saıynǵy reıtıngin jarııalady, dep habarlaıdy Egemen.kz.
Bul tizim 1999 jyldan beri qalyptasyp keledi. Alǵashynda ol HH ǵasyrdyń 100 kórnekti tulǵalarynyń tizimi retinde usynylsa, 2004 jyldan bastap jyl saıynǵy álemdegi eń yqpaldy adamdar reıtıngine aınaldy.
2026 jylǵy tizimge engen eń jas qatysýshy – 20 jastaǵy mánerlep syrǵanaýshy, Olımpıada chempıony Alısa Lıý. Ol bir jyl ishinde álem chempıonatynyń, Gran-prı fınalynyń jáne Olımpıada oıyndarynyń jeńimpazy atanǵan. Al eń egde qatysýshy – 96 jastaǵy amerıkalyq quqyq qorǵaýshy, aýyl sharýashylyǵy jumysshylarynyń quqyqtaryn qorǵaý qozǵalysynyń jetekshisi Dolores Ýerta.
2026 jylǵy álemdegi eń baı adamdardyń reıtıngi jarııalandy
Reıtıng «Ártister», «Pıonerler», «Tıtandar», «Ikonalar», «Kóshbasshylar» men «Innovatorlar» sekildi alty negizgi sanat boıynsha qalyptastyrylǵan.
Álemdegi eń baı adam: Ilon Masktyń dáýleti 800 mlrd dollardan asty
«Kóshbasshylar» sanatynda álemniń 25 saıası jáne qoǵamdyq qaıratkeri qamtylǵan. Olardyń qatarynda AQSh prezıdenti Donald Tramp, Rım Papasy, Meksıka prezıdenti Klaýdııa Sheınbaým, AQSh memlekettik hatshysy Marko Rýbıo, Izraıl premer-mınıstri Bınıamın Netanıahý jáne Qytaı Halyq Respýblıkasynyń tóraǵasy Sı Szınpın bar. Sı Szınpın bul tizimge 14-ret enip, rekordtyq kórsetkishke qol jetkizgen.
Nurbolat AMANBEK