Qazaqstanda ınsýlttiń aldyn alý jáne emdeý júıesin jetildirý baǵytyndaǵy jumystar nátıjesin berip otyr. 2026 jyldyń alǵashqy eki aıynda qanaınalym júıesi aýrýlarynan bolatyn jalpy ólim-jitim 16,3%-ǵa tómendedi, dep jazady Egemen.kz.
Ulttyq shuǵyl medısınany úılestirý ortalyǵynyń bazasynda Angels Initiative bastamasy men Qazaq ınsýltologtar lıgasynyń uıymdastyrýymen «Train the Trainer Workshop» halyqaralyq bilim berý vorkshopy ótti.
Is-shara Túrki memleketteri uıymyna múshe elder arasyndaǵy memorandým aıasynda uıymdastyrylyp, Ortalyq Azııadaǵy medısınalyq yntymaqtastyqty keńeıtýge baǵyttaldy. Vorkshop jedel ınsýlt kezinde medısınalyq kómek kórsetý tájirıbesin jetildirý jáne ozyq ádisterdi engizý úshin mańyzdy alańǵa aınaldy.
Qazirgi tańda ınsýlt ólim-jitim men múgedektiktiń negizgi sebepteriniń biri bolyp otyr. Osyǵan baılanysty medısınalyq kómekti tıimdi uıymdastyrý – naýqasty der kezinde baǵyttaýdan bastap, joǵary tehnologııalyq dıagnostıka men em júrgizýge deıingi barlyq kezeńdi qamtý asa mańyzdy.
Insýlt derti «jasaryp» barady
Qazaqstan ınsýlt qyzmetin damytýda eleýli ilgerileýge qol jetkizdi. Búginde respýblıka boıynsha 85 ınsýlt ortalyǵy jumys isteıdi, bul ár 250 myń adamǵa 1 ortalyqtan keledi jáne normatıvtik qajettilikti tolyq qamtıdy.
Mı qan aınalymy buzylystaryn erte anyqtaý maqsatynda skrınıng júıesi engizildi, al ınsýlt áleýmettik máni bar aýrýlar tizbesine engizildi. Sonymen qatar ınsýlttan keıin pasıentterdi dıspanserlik esepke alý merzimi 30 kúnnen 15 kúnge deıin qysqartyldy.
2025 jyldyń qorytyndysynda em qabyldaǵan pasıentter sany 8,3%-ǵa ósip, 49 myńnan 53 myń adamǵa deıin jetti. Trombolızıs júrgizý úlesi 11%-ǵa artty, al ınsýltten bolatyn ólim-jitim 4%-ǵa tómendedi.
Qazirgi ýaqytta ınsýlt qanaınalym júıesi aýrýlarynan bolatyn jalpy ólim-jitimniń 32%-yn quraıdy.
Dárigerler JI kómegimen ınsýlt pen onkologııalyq aýrýlardy erte anyqtap jatyr
Qabyldanǵan sharalardyń nátıjesinde 2026 jyldyń alǵashqy eki aıynda jalpy ólim-jitim 16,3%-ǵa azaıdy, bul saladaǵy júıeli jumystyń tıimdiligin kórsetedi.
Vorkshop baǵdarlamasyna ınteraktıvti master-klastar, klınıkalyq jaǵdaılardy modeldeý jáne sheshim qabyldaý boıynsha praktıkalyq sessııalar engizildi. Mundaı tásil dárigerlerdiń kásibı biliktiligin arttyryp qana qoımaı, jedel kómek kórsetý kezinde komandalyq jumysty jetildirýge múmkindik beredi.
Is-sharaǵa Ázerbaıjan, Qazaqstan, Qyrǵyzstan, Mońǵolııa, Tájikstan, Túrikmenstan jáne О́zbekstan elderinen medısına mamandary qatysty. Ár elden ınsýltolog dárigerler, densaýlyq saqtaý uıymdastyrýshylary jáne jedel medısınalyq kómek qyzmetiniń ókilderi, barlyǵy 8 qatysýshydan keldi.
Jalpy, halyqaralyq yntymaqtastyq pen tájirıbe almasý ınsýlttiń aldyn alý jáne emdeý sapasyn arttyrýǵa, ólim-jitimdi azaıtýǵa yqpal etip otyr.
Jas ǵalym mı ınsýltiniń aldyn alatyn ádis oılap tapty