17 sáýirde elimizdiń basym bóliginde aýa raıy turaqsyz sıpat alyp, jaýyn-shashyn, daýyl, burshaq jáne tuman qatar baıqalady. Sınoptıkter turǵyndardy saq bolýǵa shaqyryp, birqatar óńirde jeldiń ekpini kúsheıip, jol jaǵdaıy kúrdelenetinin eskertti, dep jazady Egemen.kz.
«Qazgıdromet» taratqan málimetke sáıkes, ońtústik jáne ońtústik-shyǵys óńirlerde jańbyr, naızaǵaı, burshaq jıilep, daýyl kúsheıedi. Túrkistan oblysynyń taýly aımaqtarynda qatty jaýyn-shashyn men tuman kútiledi. Jeldiń jyldamdyǵy 15-20 m/s-qa deıin jetedi. Bul qubylys Shymkent pen Túrkistan qalalarynda da baıqalady.
Jetisý oblysynda da kún raıy qubylmaly bolady. Taýly óńirlerde nóser jaýyn, burshaq jáne daýyl boljanyp otyr. Keı jerlerde jeldiń ekpini 23-28 m/s-qa deıin kúsheıýi yqtımal.
Almaty oblysynda, ásirese Ile Alataýy mańynda, jaýyn-shashyn men qar aralas jańbyr jaýady. Kúndiz burshaq aralas daýyl soǵyp, jeldiń jyldamdyǵy 17-22 m/s, keıde 28 m/s-qa deıin jetedi. Almaty men Qonaev qalalarynda naızaǵaıly jańbyr kútiledi.
Ortalyq jáne shyǵys aımaqtarda da jaǵdaı kúrdeli. Ulytaý, Qaraǵandy, Shyǵys Qazaqstan jáne Abaı oblystarynda jaýyn-shashyn qarmen aralasyp, kóktaıǵaq bolady. Keı jerlerde tuman túsip, jeldiń ekpini 25 m/s-qa deıin kúsheıýi múmkin.
Batys óńirlerde negizinen tuman basym bolady. Atyraý, Batys Qazaqstan jáne Mańǵystaý oblystarynda, sondaı-aq Oral men Aqtaý qalalarynda kóriný qashyqtyǵy tómendeıdi.
Endi aýa raıy boljamy sýrperkompıýter arqyly esepteledi
Qyzylorda oblysynda shańdy daýyl qaýpi bar. Munda jańbyr men naızaǵaı qatar júrip, jeldiń ekpini 15-20 m/s-qa jetedi.
Soltústik óńirlerde de jel kúsheıedi. Qostanaı men Soltústik Qazaqstan oblystarynda tuman men ekpindi jel bolady. Al Pavlodar oblysynda jeldiń jyldamdyǵy 15-20 m/s deńgeıinde saqtalady.
Jambyl oblysynda jańbyr, naızaǵaı jáne burshaq aralas daýyl kútiledi. Taýly aımaqtarda túnde qar aralas jaýyn-shashyn bolýy yqtımal.
Sınoptıkterdiń aıtýynsha, birqatar óńirde órt qaýpi saqtalady. Sonymen qatar, kóktaıǵaq pen ekpindi jel turǵyndar úshin qosymsha qaýip tóndirýi múmkin.
Boljamdar naqtylana túspek: «Qazgıdromet» sýperkompıýterdi paıdalana bastady