Qazaqstan Ulttyq Banki Tóraǵasynyń orynbasary Oleg Smolıakov «Qazaqstan Halyq banki» AQ-tyń «Qazkommersbank» AQ-tyń aksııalar paketin satyp alýy boıynsha áleýetti mámilesine túsinikteme berdi.
Birinshi kezekte O. Smolıakov «zańnamanyń talaptaryna sáıkes áleýetti mámileni iske asyrý bankterdiń depozıtorlarynyń, kredıtorlarynyń, ózge de klıentteriniń jáne qarsy agentteriniń halyqaralyq mindettemelerdi qosa alǵanda, sharttar boıynsha quqyqtar men zańdy múddelerin saqtaǵan jaǵdaıda ǵana múmkin bolady» dep atap ótti.
«Halyq bankiniń «Kazkommersbank» AQ-tyń aksııalaryn satyp alý boıynsha áleýetti mámileni iske asyrý úshin Ulttyq Banktiń jáne Halyq bankiniń tarapynan «Qazkommersbank» AQ aktıvteriniń sapasyna birlesken táýelsiz tekserý júrgizý qajet. Áleýetti mámileniń sandyq ólshemderi alynǵan aqparatty jarııa ashý arqyly táýelsiz tekserý nátıjelerin alǵannan keıin aıqyndalatyn bolady», – dedi O. Smolıakov jáne «Qazkommersbank» AQ-tyń úzdiksiz qyzmetin qamtamasyz etý úshin jetkilikti deńgeıge deıin «Qazkommersbank» AQ-ty qosymsha kapıtaldandyrý Halyq bankiniń «Qazkommersbank» AQ-tyń kapıtalyna yqtımal kirýine bazalyq talap bolyp tabylatynyn» atap ótti.
O. Smolıakov «Qazkommersbank» AQ-tyń kredıttik portfeliniń aıtarlyqtaı úlesi (50%-dan astam) «BTA Bank» AQ-tyń mindettemelerin bildiretinine basa nazar aýdardy. Bul rette «BTA Banktiń» aktıvteri qundy qalpyna keltirýdiń uzaq aralyǵyna ıe aktıvterge jatady. Sonyń saldarynan olardy «Kazkommersbank» AQ-tyń ustap turýy úshin qarjy aǵyndarynyń jetkilikti deńgeıin qalyptastyrmaıdy. Sondyqtan «Qazkommersbank» AQ-tyń qarjylyq ornyqtylyǵyn qamtamasyz etý úshin, O. Smolıakovtyń aıtýynsha, birinshi kezeńde BTA Banktiń aktıvterin «Qazkommersbank» AQ- tan oqshaýlaý qajet. Bul kezeńde «Problemalyq kredıtter qory» operator bolyp tabylady. Odan ári bul aktıvterdi memlekettik-jeke áriptestik jobalarynyń, onyń ishinde óńirlik damý baǵdarlamalarynyń sheńberinde ekonomıkalyq aınalymǵa tartýdy qamtamasyz etý qajet.
Osyǵan deıin Ulttyq Banktiń QR Úkimeti, QR Ulttyq Banki, «Samuryq-Qazyna» UÁQ» AQ, «Problemalyq kredıtter qory» AQ, «Qazkommersbank» AQ (KKB) jáne onyń iri aksıonerleri, «Qazaqstan Halyq banki» AQ (Halyq banki) jáne «BTA Bank» AQ (BTA Bank) arasyndaǵy «Qazkommersbank» AQ aksııalar paketin satyp alý boıynsha áleýetti mámile týraly ózara túsinistik týraly memorandýmǵa qol qoıylǵandyǵy týraly habarlaǵanyn eske salamyz.
«Qazkommersbank» AQ aýqymdy fılıal jelisi, zańdy jáne jeke tulǵalardyń úlken klıenttik bazasy, aıtarlyqtaı depozıttik bazasy jáne tólem jáne bankaralyq naryqtarda edáýir úlesi bar Qazaqstan Respýblıkasynyń asa iri júıe quraýshy banki bolyp tabylady.
Eskertý: «Problemalyq kredıtter qory» aksıonerlik qoǵamy Qazaqstan Respýblıkasy Úkimetiniń menshigine berilgen. Qor qyzmetiniń negizgi maqsaty ýákiletti organnyń normatıvtik quqyqtyq aktileriniń talaptaryna sáıkes ekinshi deńgeıdegi bankterdiń kredıttik portfelderiniń sapasyn jaqsartýǵa baǵyttalǵan sharalardy iske asyrý bolyp tabylady. «Problemalyq kredıtter qory» AQ qyzmetiniń negizgi túrleri ekinshi deńgeıdegi bankterdiń problemalyq kredıtterin satyp alý; ekinshi deńgeıdegi bankterdiń satyp alynǵan aktıvterin basqarý; óz qyzmetin qarjylandyrý úshin boryshtyq baǵaly qaǵazdardy shyǵarý bolyp tabylady.