Bıikterge bastaıtyn bes basymdyq

Elbasynyń halyqqa arnaǵan bıylǵy Joldaýynda ulttyń negizgi kapıtaly sanalatyn bilim salasy men jańa tehnologııalardy damy­týǵa aıryqsha kóńil bólin­geni erekshe qýantyp otyr. Ma­ńyz­dy strategııalyq qujat­taǵy 5 basymdyqtyń ishinde, ási­rese, birinshi basymdyq – eko­no­mı­ka­nyń jedeldetilgen teh­no­lo­gııa­lyq jańǵyrtylýyna toqtal­ǵym keledi. О́ıtkeni, bul – biz­diń ýnıversıtetke tikeleı qatysty. Prezıdent 3D-prıntıng, onlaın-saýda, mobıldi bankıng, sıfrlyq qyzmet kórsetý sekildi densaýlyq saqtaý, bilim berý isinde qoldanylatyn jáne basqa da perspektıvaly salalardy damytý isine basymdyq berip otyr. Elbasy sóz etken 3D-prıntıng barlyq jerde jumys isteı bastaýy tıis. Bul – ázirshe Qazaqstandaǵy ǵana emes, TMD elderindegi jalǵyz quryl­ǵy bolyp otyr. Joldaýdaǵy júktelgen mindetter bizdiń osy baǵyttaǵy jumystarymyzdy odan ári jandandyra túsýge serpin beredi dep oılaımyz. Memleket basshysy Qazaqstan shet el ınvestısııalaryn tartý isindegi kóshbasshylyǵyn saq­tap qalýy qajettigine de erekshe toqtaldy. Bul baǵytta da biz­diń ýnıversıtet sheteldik qor­lar­­­men júıeli túrde jumys is­tep keledi. Bir ǵana mysal aı­ta­­­ıyn. Qazirgi ýaqytta Ger­ma­­nııa­­­nyń «Folksvagen» qory óz qar­jylaryna bizdiń ýnıver­sı­tettiń doktoranttaryn oqytyp jatyr. Joldaýǵa sáıkes, aldaǵy ýa­qyt­ta da osy taraptaǵy jumys­ta­rdy jandandyrýdy kózdep otyrmyz. «Tórtinshi ónerkásiptik revo­lıýsııa elementterin jappaı engizý kerek», dedi Elbasy óz Joldaýynda. Bul degenińiz – óndiris pen aqparattyq tehno­logııa­lardyń birigýi. Muny búgin­de búkil álem moıyndaıdy. Kóp­tegen elder qoldanysqa engizip te jatyr. Túpki maqsat – adamı resýrstardy azaıtý, barlyq salany avtomattandyrý. Prezıdent Joldaýyndaǵy bes basymdyq elimizdi bıik belesterge bastaıtynyna senim mol. Endigi maqsat – júktelgen mindetterdi birlese júzege asyrý. Jasulan ShAIMARDANOV, D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń rektory О́SKEMEN