Sońǵy jyly bankterdiń tamaq ónerkásibin nesıelik qoldaýy aıtarlyqtaı kóbeıdi. 2012-2015 jyldary EDB qaryz portfelderi kólemi aıtarlyqtaı ózgermeı 330 mlrd teńge shamasynda saqtalsa, sońǵy jyly osy saladaǵy kásiporyndarǵa berilgen qaryz kólemi 16 paıyzǵa kóbeıip, 359 mlrd teńgeni qurady.
2016 jyldyń qańtar-jeltoqsan aılarynda osy sektorda jumys isteıtin kásiporyndardyń ónimderi 4 paıyzǵa ulǵaıdy. Al 2014-2015 jyldary tamaq ónerkásibindegi óndiris kólemi toqyrap qalǵan edi.
Alaıda, qaryz portfelderiniń qurylymy kórsetkendeı, beriletin nesıeniń basym kópshiligi 1 jylǵa deıingi qysqamerzimdi qaryzdardan turady. 2016 jyly tamaq ónerkásibine berilgen qysqamerzimdi qaryz kólemi 45 mlrd teńgege ulǵaısa, al uzaqmerzimdi nesıe kólemi tek 23 mlrd teńgege kóbeıgen. Bankter negizinen tamaq ónerkásibindegi burynnan bar qaryzdardy qaıta qarjylandyrýmen aınalysýda. Shyn máninde, uzaqmerzimdi nesıelendirý deńgeıi sońǵy 5 jyldaǵy mınımýmǵa túsken. 2016 jyldyń qańtar-jeltoqsan aılarynda 1 jylǵa deıin qaıtarý shartymen 51 mlrd teńge shamasynda jańa nesıe rásimdelgen. Aıta keteıik, "О́ndiris 2020" memlekettik baǵdarlamasyn iske asyrýda tamaq ónerkásibi ekonomıkanyń basty salalarynyń qataryna engizilgen.