Bul týraly búgin Parlament Májilisiniń depýtaty, «AMANAT» partııasy fraksııasynyń múshesi Únzıla Shapaq «Ádiletti jáne Progressıvti Qazaqstannyń Halyqtyq Konstıtýsııasy úshin!» Jalpyulttyq koalısııasynyń alǵashqy jıynynda málimdedi, dep habarlaıdy Egemen.kz.
Depýtat Konstıtýsııanyń preambýlasyn qaıta qaraý jóninde usynys bildirgenin atap ótti.
«Ata Zańy myqty eldiń – tuǵyry berik, Týy bıik. Zaman ózgeredi. Onymen birge qoǵam da, qundylyqtar da jańǵyrady. Memlekettiń shynaıy qýaty – onyń máńgilik qundylyqtarynda», dedi Únzıla Shapaq.
Ol referendýmǵa usynylyp otyrǵan Konstıtýsııa jobasy Egemendik pen Táýelsizdikti, aýmaqtyq tutastyq pen memlekettik shekaranyń myzǵymastyǵyn eń joǵary qundylyq retinde naqty bekitetinin erekshe atap ótti. Sonymen qatar depýtat jańa qujatta eldiń tereń tarıhı tamyryna da aıryqsha mán berilgenin jetkizdi. Onyń aıtýynsha, jańa Ata Zań jobasynda myńjyldyq tarıhymyz alǵash ret myzǵymas ulttyq qundylyq retinde tanyldy.
«Qazaq eli – aıbyny asqaq memleketterdiń zańdy murageri. Ulan-ǵaıyr Uly Dala – kóshpeliler órkenıetiniń altyn besigi. Adamdy ardaqtaǵan, adamı qasıetti qadirlegen Uly Dalada demokratııanyń tereń tamyry qalyptasqan. Osy berik dástúrdiń zańdy jalǵasyndaı jańa zań jobasynda adam quqyqtary men bostandyqtary eń joǵary qundylyq dep jarııalandy», dedi ol.
Depýtattyń pikirinshe, «Ádiletti Qazaqstan» ıdeıasynyń ózegi de osy qaǵıdattarmen tikeleı baılanysty. Sondaı-aq ol ádilettilik, zań men tártip, tabıǵatty qorǵaý – el damýynyń ózegi, memlekettiliktiń tiregi ekenin atap ótti.
Jańa Konstıtýsııa jobasy boıynsha referendýmǵa qansha qarajat jumsalady?
«Búgingi almaǵaıyp zamanda syn-qaterden súrinbeı ótetin jalǵyz jol – ıntellektýaldy, ozyq oıly ult bolý. Sondyqtan mádenıet pen bilimdi, ǵylym men ınnovasııany zańmen bekitý – tarıh aldyndaǵy paryzymyz, bolashaq aldyndaǵy boryshymyz», dep túıindedi ol.
Jańa Konstıtýsııa jobasy boıynsha referendýmda qansha adam daýys bere alady?
Eske sala keteıik, búgin Astanada Konstıtýsııalyq reformany qoldaý maqsatynda «Ádiletti jáne Progressıvti Qazaqstannyń Halyqtyq Konstıtýsııasy úshin!» dep atalatyn jalpyulttyq koalısııasy quryldy. Onyń quramyna elimizdegi saıası partııalar, qoǵamdyq uıymdar, depýtattar, zııaly qaýym ókilderi, jastar birlestikteri, kásipodaq uıymdary jáne taǵy basqalar kirdi.
Referendýmnyń kúntizbelik jospary bekitildi: Daýys berý 15 naýryzda ótedi