Qazaqstandyq bıznes búginde jahandyq joǵary báseke, tehnologııalyq ózgerister men syrtqy syn-qaterler jaǵdaıynda jumys istep otyr. «AgromashHoldıng KZ» AQ prezıdenti Dınara Shýkıjanovanyń aıtýynsha, mundaı jaǵdaıda erejelerdiń turaqtylyǵy, menshik quqyǵyn qorǵaý jáne memlekettik saıasattyń boljamdylyǵy sheshýshi mánge ıe, dep jazady Egemen.kz.
«Bıznes úshin eń mańyzdysy – retteýdiń turaqtylyǵy men salynǵan kúsh-jigerdiń qorǵalýy. Biz damýymyzdy birneshe jyl alǵa josparlaımyz, sondyqtan túsinikti ári senimdi ınstıtýsıonaldyq orta qajet», dedi ol.
Ásirese kapıtaldy kóp qajet etetin salalardaǵy kásipkerler óz strategııalaryn 7-10 jyl alǵa qurady. Jańa Konstıtýsııa jobasy kásipkerlik erkindigin jáne óz múlkine bılik etý quqyǵyn bekitetin quqyqtyq negiz qalyptastyrady. Monopolııalyq qyzmet zańmen shektelip, josyqsyz básekege tyıym salynady. Bul naryqta teń jaǵdaı qalyptastyrýǵa múmkindik beredi.
«Qýatty bıznes eldiń óndiristik jáne kásipkerlik áleýetin qalyptastyrady. Al qýatty ekonomıka qýatty memleketke teń», dep atap ótti Dınara Shúkijanova.
Madı Myrzaǵaraev: Ádildikke degen senim qaǵaz júzinde emes, is júzinde júzege asady
Onyń pikirinshe, ókilettikterdi qaıta bólý jáne memlekettik ınstıtýttardyń eseptiligin arttyrý ekonomıkalyq saıasattyń birizdiligin kúsheıtip, retteýdegi kúrt ózgerister táýekelin azaıtady.
Erlan Saırov: Jańa Konstıtýsııa jobasynda memlekettiń saıası turaqtylyǵyn qamtamasyz etetin tetikter qarastyryldy