Astanada Ulttyq qaýipsizdik komıtetiniń tóraǵasy Kárim Másimov Qazaqstan Respýblıkasy Terrorızmge qarsy kúres ortalyǵynyń XIX otyrysyn ótkizdi, dep jazady Ulttyq qaýipsizdik komıtetiniń baspasóz qyzmeti.
Konsýltatıvtik-keńesshi organnyń jumysyna Qaýipsizdik Keńesi hatshysynyń orynbasary A. Ábdimomynov jáne Bas prokýror J. Asanov qatysty.
Otyrysqa qatysýshylar Elbasynyń «Qazaqstannyń kıberqorǵanysy» kıberqaýipsizdik júıesin qalyptastyrý jónindegi tapsyrmasyn júzege asyrý sharalaryn qarastyrdy.
Ideologtar men destrýktıvti dinı aǵymdardy ýaǵyzdaýshylardyń qyzmetin beıtaraptandyrý tıimdiligin arttyrý jumysynyń jaǵdaıy men qosymsha sharalary talqylandy.
Otyrys qorytyndysy boıynsha hattama sheshimderi pysyqtaldy jáne qabyldandy.