"Qazteleradıo" AQ-nyń basqarma quramy ózgerdi, dep habarlaıdy kompanııanyń baspasóz qyzmeti.
28 aqpandaǵy «Qazteleradıo» AQ-nyń Dırektorlar keńesiniń sheshimimen Eskendir Tájibekov «Qazteleradıo» AQ Basqarma tóraǵasynyń birinshi orynbasary laýazymyna, Janna Smaılova «Qazteleradıo» AQ Basqarmasy tóraǵasynyń ákimshilik jáne qarjy máseleleri jónindegi orynbasary laýazymyna taǵaıyndaldy.
Eskendir Ermanuly Almaty energetıka jáne baılanys Intstıtýtyn támamdap, NARXOZ ýnıversıtetiniń IBS Halyqaralyq bıznes mektebinen MVA dárejesin aldy. Eńbek jolyn 1997 jyly «Qazaqtelekom» AAQ ınjener qyzmetinen bastaǵan.
2006 jyly «Tehnıcheskaıa servısnaıa kompanııa» JShS dırektory laýazymyna taǵaıyndaldy.
2008 jyly «Kazsatnet» UK AQ derekterdi berý jelilerin paıdalaný departamenti dırektorynyń orynbasary, 2011-2014 jj aralyǵynda kompanııada paıdalý departamentiniń dırektory, basqarma tóraǵasynyń orynbasary - tehnıkalyq dırektory laýazymdaryn atqarǵan.
2015 jyldyń qańtar aıynan bastap osy ýaqytqa deıin «Astana Innovations» AQ basqarma tóraǵasynyń orynbasary laýazymyn atqardy.
Janna Bolatqyzy Almaty energetıka jáne baılanys Instıtýtyn támamdaǵan. Telekommýnıkasııa salasynda 25 jyldyq jumys tájirıbesi bar.
Eńbek jolyn 1998 jyly «Qazaqtelekom» AQ jetekshi ekonomıst laýazymynan bastap, 2006 jylǵa deıin qarjy-ekonomıkalyq qyzmetiniń bastyǵy, ekonomıka jáne qarjy jónindegi ortalyqtyń dırektory, kommersııalyq jobalar basqarmasynyń basshysy mindetterin atqardy.
2006-2013 jyldar aralyǵynda qyzmetin Vimpelcom Group (TM «Beeline») kompanııalar tobynda jalǵastyrdy.
2014 jyldan bastap 2016 jylǵa deıin «Qazaqtelekom» AQ-nyń táýekel boıynsha basqarýshy dırektory qyzmetin atqarǵan.