Qazaqstan Respýblıkasynyń Bilim jáne ǵylym mınıstri Erlan Saǵadıev Úkimette UBT-daǵy qazaq tiline qatysty ózgeristerdi túsindirdi.
"Bıyl qazaq tilin mektep túlekteriniń 100 paıyzy tapsyrady. 12 jyl boıy orys mektepteriniń túlekteri qazaq tilin UBT aıasynda tapsyryp kelgen bolsa da, onyń nátıjeleri esepke alynbaǵan. Til bilimin baǵalaý nátıjeleri grantty alýǵa yqpal etpegen. Sonymen qatar, mektep túlekteriniń bir bóligi qazaq tilin test negizinde emes, mektepte ázirlengen bıletter boıynsha tapsyrǵan. UBT eki kezeńge bólinýi sebepti, sondaı-aq, bıylǵy mektep túlekteriniń 100 paıyzy qazaq tilin tapsyrý maqsaty qoıylyp otyrǵandyqtan, attestatty alý úshin árbir túlek emtıhan tapsyryp, til bilimin testileý qorytyndylary boıynsha sáıkes baǵasyn alýy tıis. Joǵary oqý ornyna barǵan kezde qazaq tilinde mektep bitirgen balalar UBT-ny qazaq tilinde alyp otyr ǵoı. Bıyl olardyń úlesi - 80-85%. 15 paıyzy biryńǵaı test retinde qazaq tilin tapsyratyn bolady", - dedi mınıstr.