Qaraǵandy oblysynyń ákimi bolyp Qazaqstan Respýblıkasy Premer-mınıstr Keńsesiniń basshysy Erlan Jaqanuly Qoshanov taǵaıyndaldy, - dep habarlaıdy Aqordanyń baspasóz qyzmeti. Bul qyzmette ol 2014 jyly 20 maýsymda Qaraǵandy oblysynyń ákimi bolyp taǵaıyndalǵan Nurmuhambet Ábdibekovti aýystyrdy.
Erlan Qoshanov 1962 jyly 14 tamyzda dúnıege kelgen. Qaraǵandy polıtehnıkalyq ınstıtýtynyń Jezqazǵan fılıalyn (1984) ınjener-mehanık mamandyǵy boıynsha tamamdaǵan. QLKJO Jezqazqan oblystyq komıtetiniń nusqaýshysy, bólim meńgerýshisi (1988-1990), Jezqazǵan oblystyq syrtqy-ekonomıkalyq baılanys komıtetiniń jetekshi, bas mamany, bólim bastyǵy, tóraǵanyń orynbasary, tóraǵasy boldy (1990-1995).
Sonymen qatar ol Qazaqstan Respýblıkasy Parlamentindegi QR Úkimetiniń ókili (1999-2003), QR Premer-Mınıstri Keńsesi basshysynyń orynbasary (2001-2003), QR Kólik jáne kommýnıkasııa vıse-mınıstri (2003-2006), QR Kólik jáne kommýnıkasııa mınıstrliginiń azamattyq avıasııa komıtetiniń tóraǵasy (2006-2007) qyzmetterin atqarǵan.
2012 jyldan QR Premer-Mınıstri Keńsesiniń jetekshisi boldy.