Keler jyldan bastap elimizde AI-80 markaly benzın shyǵarylmaıdy, dep habarlady 24.kz. Qanat Bozymbaevtyń aıtýynsha, bıyl ekinshi jartyjyldyqta Shymkent munaı óńdeý zaýytyn jańǵyrtýdyń birinshi kezeńi aıaqtalady. Sodan keıin elimizde Eýro-4, Eýro-5 standarttaryna saı janarmaı men dızel otyny shyǵarylatyn bolady. Al Atyraý jáne Pavlodar munaı óńdeý zaýyttaryn jańǵyrtý jumystary jospar boıynsha jyl sońyna deıin bitýi tıis. Sondaı-aq, mınıstr eldegi janarmaı baǵasy halyqtyń ortasha tabysyna qanshalyqty saı keletindigi jóninde pikir bildirdi. «Men halyqtyń ortasha tabysy men benzınniń baǵasyn salystyryp kórgen joqpyn. Biraq Reseıdi alyp qarasaq, onda AI-92 markaly janarmaıdyń baǵasy 180 teńgeden asady. Árıne, Eýropamen salystyrsańyzdar, baǵa basqasha bolady», – dedi Energetıka mınıstri Qanat Bozymbaev.