Memleket basshysy Nursultan Nazarbaev Málik Myrzalındi Aqmola oblysynyń ákimi qyzmetine taǵaıyndady, dep habarlandy Aqordanyń Tvıtterdegi paraqshasynda.
Málik Myrzalın 1971 jylǵy 31 qazanda Aqtóbe qalasynda týǵan. 1996 jyly Reseı Federasııasy Syrtqy ister mınıstrliginiń Máskeý Memlekettik halyqaralyq qatynastar ınstıtýtyn bitirgen. 2006 jyly Iel ýnıversıtetiniń menedjment mektebinde (AQSh) biliktiligin arttyrýdan ótken. Saıası ǵylymdarynyń kandıdaty (2010 j.).
1996 - 2004 jyldary - Qazaqstan Respýblıkasynyń Reseı Federasııasyndaǵy Elshiliginiń referenti, attashesi, úshinshi, ekinshi, birinshi hatshysy, 2004 - 2006 jyldary - Soltústik Qazaqstan oblysy ákiminiń apparat basshysy, 2006 - 2007 jyldary - Soltústik Qazaqstan oblysy ákiminiń orynbasary, 2007 - 2008 jyldary Soltústik Qazaqstan oblysy ákiminiń birinshi orynbasary, 2008 - 2009 jyldary - «Nur Otan» halyqtyq-demokratııalyq partııasy ortalyq apparaty basshysynyń orynbasary, 2010 - 2011 jyldary - Qazaqstan Respýblıkasy Prezıdenti Is Basqarmasynyń apparat basshysy, 2011 - 2013 jyldary - Qazaqstan Respýblıkasy Din isteri agenttiginiń jaýapty hatshysy, 2013 – 2016 jyldary - Qazaqstan Respýblıkasy Prezıdenti Is Basqarýshysynyń orynbasary, 2016 jyldyń jeltoqsan aıynan bastap Qazaqstan Respýblıkasy Prezıdenti Is Basqarýshysynyń birinshi orynbasary qyzmetterin atqarǵan.
«Qurmet» ordenimen (2014 j.), «Eren eńbegi úshin» medalimen (2005 j.) marapattalǵan.