Búgin QR Premer-Mınıstri Baqytjan Saǵyntaev Mańǵystaý oblysynyń aktıvimen kezdesý barysynda óńirdiń jańa ákimi Eraly Toǵjanovqa birqatar naqty tapsyrmalar berdi.
B. Saǵyntaev bastapqyda oblysqa Alık Aıdarbaev basshylyq etken kezde óńirdiń serpindi damyǵanyn atap ótti. Sonymen qatar, Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýynda bergen tapsyrmalary turǵysynan damýdyń barlyq baǵyty boıynsha jumysty jandandyrý qajet.
Birinshi kezekte sıfrlyq tehnologııalar qoldanylǵan jańa ındýstrııalarǵa nazar aýdarý kerek. Memleket basshysy atap ótkendeı, sıfrlyq ındýstrııany damytý barlyq ózge salalarǵa serpin beredi, dep eske saldy B. Saǵyntaev. Aqparattandyrýsyz tabysty damý múmkin emes jáne bizdiń elimiz básekege qabiletti bola almaıdy. О́ńirde tek munaı salasyn ǵana damytyp qoımaı, sonymen qosa qarapaıym nárselerdiń ekonomıkasyna, jańa jumys oryndarynyń ashylýyna úlken ekpin qoıý kerek. Nátıjeli jumyspen qamtý jáne jappaı kásipkerlikti damytý baǵdarlamasyn iske asyrýǵa basa nazar aýdarý kerek, dep atap ótti Premer-Mınıstr B. Saǵyntaev.
Kólik-logıstıka ınfraqurylymynyń damýyna baǵyttalǵan «Nurly jol» baǵdarlamasyn sapaly ári ýaqytyly iske asyrýmen qamtamasyz etý qajet. Indýstrııalandyrýdy ekonomıkanyń dástúrli salalaryn, ásirese elimizdiń munaı-gaz keshenin jańǵyrtýǵa basymdyq bere otyryp damytý kerek. О́nerkásiptik saıasat – elimizdi Úshinshi jańǵyrtýdyń mańyzdy túıini, dedi Premer-Mınıstr.
Mıneraldy-shıkizat bazasyn damytý, oblysta ónerkásiptik ónim óndirisiniń kólemin ulǵaıtý úlken nazardy talap etedi. Budan ózge, ınvestısııalardy tartý jumysyn jandandyrý qajet.
Sondaı-aq, basymdyqty salalar retinde Premer-Mınıstr «Nurly jer» turǵyn-úı baǵdarlamasyn iske asyrý jáne oblysta týrızmdi damytý mindetterin aıtty.