Bul týraly Parlament Májilisiniń depýtaty, «AMANAT» partııasy fraksııasynyń múshesi Erlan Saırov «Ádiletti jáne Progressıvti Qazaqstannyń Halyqtyq Konstıtýsııasy úshin!» Jalpyulttyq koalısııasynyń alǵashqy jıynynda málimdedi, dep habarlaıdy Egemen.kz.
Depýtattyń aıtýynsha, Memleket basshysy Qasym-Jomart Toqaev bılikke kelgen kúnnen bastap elimizdi odan ári demokratııalandyrý isin aıqyndaǵanyn atap ótti.
«Prezıdent plıýralızmdi damytýǵa yqpal etýdi óz mindeti sanaıtynyn aıtqan edi. Bul saıası ustanym búginge deıin dáıekti túrde júzege asyrylyp keledi. Elimizdegi saıası júıeni jetildirýdiń salmaqty ári evolıýsııalyq joly naqty nátıje berip otyr. Bul qujatta bıliktiń halyq aldyndaǵy jaýapkershiligi aıqyn kórinis tapty», dedi Erlan Saırov.
Depýtat saıası damý men ekonomıkalyq serpin turaqtylyqpen tikeleı baılanysty ekenin atap ótti.
Onyń pikirinshe, geosaıası turaqsyzdyq jaǵdaıynda mundaı konstıtýsııalyq negiz erekshe mańyzǵa ıe. Depýtat jańa qujatta Qazaqstan Uly Dala órkenıetiniń murageri ekeni alǵash ret belgilengenin atap ótti. Sonymen qatar ol álemdik konstıtýsıonalızm tarıhynan mysal keltire otyryp, zańnyń, eń aldymen búgingi býynnyń múddesine qyzmet etýi kerek ekenin eske saldy. Erlan Saırovtyń aıtýynsha, jańa Konstıtýsııa jobasy óskeleń urpaqtyń saıası múddesi turǵysynan jazylǵan.
Jańa Konstıtýsııa jobasy boıynsha referendýmǵa qansha qarajat jumsalady?
Eske sala keteıik, búgin Astanada Konstıtýsııalyq reformany qoldaý maqsatynda «Ádiletti jáne Progressıvti Qazaqstannyń Halyqtyq Konstıtýsııasy úshin!» dep atalatyn jalpyulttyq koalısııasy quryldy. Onyń quramyna elimizdegi saıası partııalar, qoǵamdyq uıymdar, depýtattar, zııaly qaýym ókilderi, jastar birlestikteri, kásipodaq uıymdary jáne taǵy basqalar kirdi.
Jańa Konstıtýsııany qoldaıtyn Jalpyulttyq Koalısııa quryldy