Aqtóbe oblystyq din isteri basqarmasynyń basshysy qyzmetine Joldas Qalmaǵanbetov taǵaıyndaldy, dep habarlaıdy QazAqparat.
Ol eńbek jolyn mektepte muǵalim bolyp bastaǵan. Búgin oblys ákimi Berdibek Saparbaevtyń ókimimen Din isteri basqarmasyna Joldas Qalmaǵanbetov basshy bolyp taǵaıyndaldy. 39 jastaǵy Joldas Nurlanuly joǵary bilimdi.
Ol Qudaıbergen Jubanov atyndaǵy Aqtóbe memlekettik ýnıversıtetin támamdaǵan. Eńbek jolyn Temir aýdanynda jalpy bilim berý mektebinde bastady. 2004-2009 jyldar aralyǵynda Temir aýdanyndaǵy Tasqopa jáne Shubarshı selolyq okrýgterinde ákim boldy. 2009 jyldyń tamyz aıynda Temir aýdandyq bilim bólimin basqaryp, 2015 jyldyń sáýirinen bastap Temir aýdany ákiminiń orynbasary qyzmetin atqarǵan.