«Bolashaq urpaq sheshse, men eshteńe isteı almaımyn. Sebebi, olardyń sheshimin ózgerte almaımyn. Ol qalypty jaǵdaı bolar edi. Al joǵarydaǵy usynystar týraly buryn da aıttym.
Men tek Nazarbaev ýnıversıtetin atymmen ataýǵa kelisim berdim. Sebebi, bul basqa ýnıversıtetterge úlgi bola alatyn oqý orny. Qazir ol ǵylymı ortalyqqa aınaldy. Al odan basqalaryna men eshqashan kelisim bergen emespin.
Taǵy qaıtalap aıta keteıin, maǵan bul kerek emes jáne maǵan ondaı usynystar unamaıdy. Bolashaq urpaq adamdy onyń jasaǵan isine qarap baǵalaıdy. Ol qandaı adam boldy? Ol ne bitirdi? Mine, osy mańyzdy. Bul jaǵynan maǵan alańdaıtyn eshteńe joq. Meniń taǵdyryma memleketimizdi basqarý buıyrdy», dedi Elbasy.
Sonymen qatar Nursultan Nazarbaev Astananyń atyn ózgertý týraly usynystar týraly óz oıyn aıtty.
«Astananyń atyna meniń atymdy berý týraly kópshiligi aıtty. Adam retinde, árıne, maǵan jaǵymdy estiledi. Biraq men el basqaryp otyrǵan soń, olaı bolmaýy kerek. Astana qazir álemdik brendke aınaldy. Munda halyqaralyq kezdesýler ótip júr. Astananyń atyn men qoıdym. Ol qazaqsha, oryssha, aǵylshynsha da jaqsy jazylady, jaqsy oqylady. Ony aýystyrýdyń ne qajeti bar?», dedi Memleket basshysy.
Kezdesý barysynda Nursultan Nazarbaev adamnyń uzaq jumys isteýine onyń jasy basty másele emes ekenin aıtty.
«Adamnyń jasy da kóp nárseni sheshedi dep aıta almaımyn. О́ıtkeni, 30 jastaǵy adamnyń ózi kári adam sııaqty bolýy múmkin. Menińshe, memleket basshysy xalyqtyń jaǵdaıyn jaqsartyp jatyr ma, joq pa, dál osyny basty talap retinde qarastyrǵan jón. Máselen, Margaret Tetcher «Anglııa meni qansha qajet etse, sonsha jumys isteımin», — dep jaýap bergen. Sóıtip, sharshaǵansha jumys isteımin degen. Al Ýınston Cherchıll, «Meniń bul qyzmette otyrǵanym kezdeısoqtyq emes, zańdylyq» degen eken. Al endi, shynymdy aıtsam, Prezıdent bolý ońaı emes. Únemi oı ústinde júresiń. Memleketke taǵy ne isteýge bolatynyn oılaısyń. Men halqyma kerek ekenimdi sezemin. Ol jumys qolymnan keledi de», — dedi Nursultan Nazarbaev.
«Barlyǵy xalyqtyń senimine baılanysty bolady. Ol — bir. Ekinshiden, jumys istep jatqan adamnyń densaýlyǵy men kúsh-jigerine baılanysty. Menińshe, bul qyzmette bar kúshińdi, tájirıbeńdi, tipti ómirińdi sarp etýge ázir bolý kerek. Olaı isteýge jaǵdaıyń kelmese, ol jerde bosqa ýaqyt zaıa etýdiń qajeti joq», — dedi Prezıdent.