Atyraýdaǵy munaı óńdeý zaýyty ekologııalyq normalardy buzǵany úshin 420 mln teńge aıyppul tóleýge mindetteldi. Jospardan tys júrgizilgen tekseris barysynda zaýyttan shyqqan shyǵaryndylar men aǵyndy sýlar zań talaptaryna saı kelmeıtini anyqtaldy, dep habarlaıdy Egemen.kz.
Oblystyq ekologııa departamenti basshysynyń orynbasary Álibek Bekmuhambetovtiń aıtýynsha, tekseristiń sebebi – Atyraý qalasynyń turǵyndary tarapynan kúkirtsýtek ıisine baılanysty túsken shaǵymdar boldy.
«Tekseris qorytyndysy boıynsha úsh hattama jasaldy. Mamandar keıbir atmosferaǵa shyǵaryndylar normatıvten asyp ketkenin anyqtady. Sonymen qatar, zaýyttyń aǵyndy sýlary ekologııalyq ruqsatsyz tógilgeni belgili boldy. Qazirgi tańda kásiporyn tekseris qorytyndysymen kelispeıdi», dedi A. Bekmuhambetov.
Túrkistanda aıyppulǵa ashýlanǵan er adamdar beınekameralardy syndyrǵan
Aıta keteıik, bıyl qańtardyń sońynda Atyraý oblysynyń ekologııa departamenti Atyraý munaı óńdeý zaýytynda jospardan tys tekseris júrgiziletinin habarlaǵan edi. Aqpan aıynyń sońynda zaýytqa 6,92 mln teńge kóleminde aıyppul salyndy.
Atyraý munaı óńdeý zaýytynan 4,3 mln teńge aıyppul óndirildi