Aıqasty tikeleı efırde «Qazaqstan» jáne «KazSport» telearnalary kórsetip jatyr. Sarapshy retinde «Qazaqstan» arnasyna Afına Olımpıadasynyń chempıony Baqtııar Artaev qatyssa, London Olımpıadasynyń jeńimpazy Serik Sápıev «KazSport»-ta júrgizýde. Al kezdesý aıaqtalysymen «KazSport» arnasynda arnaıy baǵdarlama uıymdastyrylady. Bul jerde qos boksshy jekpe-jek barysyndaǵy sátterdi talqylaıtyn bolady.
Qazaqstandyq boksshy bul kezdesýde ózine tıesili barlyq belbeýin ortaǵa saldy.
«GGG-ge qarsy kezdesý ómirimdegi eń aıtýly jekpe-jek bolaıyn dep tur. Bul maǵan berilgen úlken múmkindik. Endi jeńiske jetý úshin aıanyp qalmaspyn. О́zime ózim tolyqtaı senimdimin. Basymnan ótken qıyn jaǵdaılardan keıin qandaı synaqqa (Denıel 2011 jyly isik aýrýyna shaldyqqan) bolsyn daıynmyn. Qazir eshnárseden qoryqpaımyn», – degen Denıel Djeıkobs.
Bul aıqasta kim jeńiske jetýi múmkin?
«Denıel laıyqty túrde qarsylyq kórsetedi dep senemin. Biraq kezdesýdiń ekinshi bóliginde, ıaǵnı jetinshi jáne toǵyzynshy raýndtardyń arasynda Gennadııdiń basymdyǵy sezilip, Djeıkobstyń ókilderi jekpe-jekti toqtatýǵa májbúr bolady. Nemese ol joıqyn soqqylardan esinen tanýy múmkin», – degen edi Golovkınniń jattyqtyrýshysy Abel Sanches.
Golovkın-Djeıkobs boks keshiniń anderkartynda kimder judyryqtasty? Ony myna jerden bile alasyzdar. Al amerıkalyq boksshy jaıly ne bilemiz?