Germanııanyń Halle qalasynda bokstan ótken «Chemistry Cup» halyqaralyq týrnırinde tórt qazaqstandyq bylǵary qolǵap sheberi jeńiske jetti.
Aqtyq synǵa bes boksshymyz qatysty. Olar: Azamat Isaqulov (52 kılo), Abylaıhan Júsipov (69 kılo), Ábilhan Amanqul (75 kılo), Vasılıı Levıt (91 kılo) jáne Qamshybek Qońqabaev (+91 kılo). Osylardyń arasynan tek Abylaıhan Júsipov qana qarsylasy germanııalyq Abbas Baraýǵa ese jiberdi.
Qazaqstandyq boksshylardyń nátıjesi:
Azamat Isaqulov – Ovık Oganesıan (Reseı) 4:1
Abylaıhan Júsipov – Abass Baraý (Germanııa) 1:4
Ábilhan Amanqul – Maks van der Pas (Nıderland) – qarsylasynyń jekpe-jekti jalǵastyra almaýynan Amanqulov jeńiske jetti.
Vasılıı Levıt – Vladımır Ýzýnıan (Reseı) 5:0
Kamshybek Qońqabaev – Andreı Gorodeskıı (Ýkraına) 5:0.