Sońǵy bolyp aqtyq synǵa Abylaıhan Júsipov (69 kılo), Ábilhan Amanqul (75 kılo) jáne Qamshybek Qońqabaev (+91 kılo) joldama aldy.
Osyǵan deıin «kishi álem chempıonaty» sanalatyn týrnırge Rıo Olımpıadasynyń kúmis júldegeri Vasılıı Levıt (91 kılo) pen Azamat Isaqulov (52 kılo) shyqqan bolatyn.
О́kinishke qaraı, jartylaı fınalda synǵa túsken Erjan Jomart (49 kılo) ekvadorlyq Karlos Kýpoǵa 1:4 esebimen, Qaırat Eralıev amerıkalyq Dıýk Raganǵa 0:5 esebimen, Ádilet Qurmetov (60 kılo) amerıkalyq Delante Djonsonǵa 1:4 esebimen ese jiberdi. Sonymen qatar, taǵy bir boksshymyz Ádilbek Nııazymbetov (81 kılo) jarys jolyna shyqpaýyna baılanysty fınalǵa onyń qarsylasy ýkraınalyq Maksım Kos shyqty.
«Ádilbek Nııazymbetov QR Ulttyq Olımpıadalyq komıtettiń 25 jyldyǵyna arnalǵan is-sharaǵa baılanysty shuǵyl túrde Astanaǵa kelýine týra keldi. Osy sebepti jartylaı fınalda Maksım Kospen judyryqtasa almady», – dedi Qazaqstan boks federasııasynyń qyzmetkeri Galına Topoleva.
Jartylaı fınaldaǵy jekpe-jekterdiń nátıjesi:
69 kılo
Abylaıhan Júsipov – Damıan Kıver (Polsha) 5:0
75 kılo
Ábilhan Amanqul – Sılvıo Shırle (Germanııa) 5:0
+91 kılo
Qamshybek Qońqabaev – Maks Keller (Germanııa) 5:0
Aıta keteıik, fınaldyq kezdesýler búgin, ıaǵnı 17 naýryz kúni ótedi. Jerlesterimizdiń qarsylastary tómendegideı:
Azamat Isaqulov – Ovık Oganesıan (Reseı)
Abylaıhan Júsipov – Abass Baraý (Germanııa)
Ábilhan Amanqul – Maks van der Pas (Nıderland)
Vasılıı Levıt – Vladımır Ýzýnıan (Reseı)
Qamshybek Qońqabaev – Andreı Gorodeskıı (Ýkraına).