Astanada «Qazaq arýy-2017» sulýlyq baıqaýynyń fınaly ótti, dep habarlaıdy 24.kz.
Sheshýshi synda jeńis Batys Qazaqstan oblysynyń ókili Nurgúl Asanovaǵa buıyrdy. Birinshi orynǵa qyzylordalyq Zýxra Saıpı ıelik etse, aqtóbelik Gúljanat Jumajanova ekinshi orynnan kórindi. Úzdik úshtikti qaraǵandylyq Áıgerim Orynbekova túıindedi.
«Qazaq arýy» sulýlyq baıqaýy Astanadaǵy Beıbitshilik jáne kelisim saraıynda ótti. Bıylǵy saıysqa elimizdiń ár aımaǵynan iriktelgen 16 arý qatysty. Jyl saıyn Naýryz merekesi qarsańynda uıymdastyrylatyn «Qazaq arýy» baıqaýy birneshe kezeńnen turady.
Aıta keteıik, sulýlyq baıqaýy osymen jetinshi ret ótip otyr. Byltyr baıqaýdyń jeńimpazy atyraýlyq Almıra Ahatova bolǵan edi.