Aldyn-ala málimetter boıynsha bul WBC International belbeýi bolýy múmkin.
«Endi 22 sáýirden keıin sharshy alańǵa shyǵýdy josparlap júrmin. Menedjerim Sergeı Zavıleıskıı WBC International tıtýly úshin kezdesý ótkizýime ruqsat berilgenin aıtty. Qazirgi ýaqytta boks keshiniń kúni men ótetin ornyn qarastyryp jatyrmyz. Bul kezdesý Qazaqstanda, Reseıde nemese Ispanııada ótýi múmkin. Árıne, men óz elimde ótkenin qalaımyn. Sonymen qatar, reıtıngi joǵary eki boksshyny qarastyrýdamyz. Osy ekeýiniń birin tańdaımyz. Jaqynda bári belgili bolady», - dedi Fırýza Sháripova.
Aıta keteıik, qazaqstandyq bylǵary qolǵap sheberi sońǵy ret 4 naýryzda Máskeýde reseılik Iýlııa Chernoborodovamen judyryqtasyp, tóreshilerdiń sheshimimen jeńiske jetken bolatyn. Osy aıqastyń aldynda jerlesimiz sparrıng-jattyǵý kezinde murnynan jaraqat alyp qalǵan. Iýlııa Chernoborodovamen kezdesýinen keıin dárigerler kem degende úsh aptadaı judyryqtasýǵa bolmaıtynyn eskertken bolatyn.
Reseı astanasyna kelgen kishi Floıd Meıýezer Sháripovaǵa aqyl-keńesterin aıtyp, sáttilik tiledi.