Syrdarııa ózeniniń sol jaǵalaýynda jańa turǵyn úı qurylystaryn júrgizý úshin jer tegisteý jumystary bastaldy. Onda 18 kóp qabatty úı jergilikti kásipkerlerdiń jeke qarjysy esebinen boı kótermek. Qala ákimi Nurlybek Nálibaevtyń aıtýynsha munda osy jyldyń qyrkúıek aıynda keminde 20 kópqabatty úı salynady dep kútilýde.
«Sonymen qatar, biz áleýmettik nysandar qurylysy boıynsha kásipkerlermen birlesip jumys istep jatyrmyz. «Abý Ser» kompanııasy 320 oryndyq balabaqsha qurylysyn salýǵa kiristi. Taǵy bir kásipker munda saýda ortalyǵyn ashpaq», - dedi Nálibaev.
Oblys ákimdiginiń janynda arnaıy shtab quryldy. Sońǵy shtab otyrysynda Jastar saraıynyń, onkologııalyq ortalyqtyń, meshittiń, «Bolashaq» Ýnıversıteti qalashyǵy qurylystarynyń jobalary maquldanyp, qoldaý kórsetildi.
О́ńir basshysy jaýapty tulǵalarǵa sol jaǵalaýda qurylys júrgizýge nıetti kásipkerlerdi qoldaý qajettigin eskertti. Bul óz kezeginde jańa jumys oryndarymen qatar salyq bazasyn ulǵaıtýǵa da septigin tıgizedi.
Sondaı-aq, Qyrymbek Kósherbaev qurylys nysandarynyń arhıtektýralyq kelbeti ulttyq, shyǵystyq úlgige saı bolý qajettigin eskertti.
«Injenerlik-ınfraqurylym máselelerin sheshý óz qolymyzda. Saraptamalar jaqyn arada daıyn bolǵan soń bıýdjettik ótinim jasaý úshin máslıhattyń kezekten tys sessııasyn ótkizý kelisilgen», - dedi oblys ákimi.
Osy kúni Demesinov kóshesindegi 230 páterlik kópqabatty 4 úıdiń alǵashqy kirpishi qalandy. Bul turǵyn úı «О́ńirlerdi damytý-2020» baǵdarlamasy aıasynda «Samuryq Qazyna» jyljymaıtyn múlik qory» AQ-men birlesip salynýda jáne osy jyldyń jazynda paıdalanýǵa berilmek.
Sondaı-aq, oblys ákimi saıası qýǵyn-súrgin qurbandaryna arnalǵan eskertkishti qaıta jańǵyrtý jumystarymen tanysty. Eskertkish aýmaǵyna alleıa salynyp, túngi jaryqshamdar ornatylyp, asfalt jol tóseledi. Qaıta jańǵyrtý jumystary saıası qýǵyn-súrgin jáne asharshylyq qurbandaryn eske alý kúnine qarsy aıaqtalmaq.
Budan bólek, aımaq basshysy Qorqyt ata kóshesi aýmaǵyndaǵy 5,8 shaqyrym jolǵa júrgizilip jatqan jóndeý jumystarymen tanysty (Qazybek bı kóshesinen bastap «Qyzylorda-Jezqazǵan» tas joly aralyǵy). Bas merdiger «ÝAD» JShS asfalt tóseý, túngi jaryqtandyrý, joldyń eki jaǵyna aryq pen avtobýs aıaldamalaryn salý jumystaryn júrgizýde.