Sonymen qatar, Ulystyń uly kúnin toılaý kezinde Buqar jyraý dańǵyly jabylmaı, kıiz úıler ortalyq saıabaqta tigiledi dep kútilýde. Halyqtyń jappaı serýeni de sol aımaqta ótpek. Mereke kúnderi jaýynger-ınternasıonalıstter kóshesiniń boıynda jáne kaskadtyq satyda túrli uıymdardyń 33 kıiz úıi, 27 saýda shatyrshalary, ústelder ornatylmaq. Sondaı-aq, baýyrsaq pen palaý ázirlenip, arnaıy qurylǵan shatyrlarda qaıyrymdylyq sharalary uıymdastyrylady. Ekskýrsııa júrgiziletin kıiz úıler men «sheberler qalashyǵy» jumys isteıtin bolady.
Kıiz úıler 21 naýryzda ornatylyp, basty merekelik sharalar 22 naýryzda ótpek. Saıabaq sahnasynda kópshlik nazaryna mıýzıkl usynylady, al ózenniń jaǵasynda ulttyq sport túrlerinen jarystar uıymdastyrylady.
Mıras ASAN, «Egemen Qazaqstan»