Orta salmaqtaǵy qazaqstandyq kásipqoı boksshy Aıdos Erbosynulynyń qarsylasy aýysty, dep habarlaıdy QazAqparat.
Osyǵan deıin tórt kezdesý ótkizip, barlyǵyn da merziminen buryn aıaqtaǵan Aıdos Erbosynuly 23 naýryz kúni Nıý-Iorkta jergilikti boksshy Maıkl Mıtchellmen (4-7-2) judyryqtaspaq bolǵan. Alaıda, jekpe-jek jaqyndaǵan ýaqytta qarsylasy belgisiz sebepterge baılanysty kezdesýden bas tartty. Endi ol taǵy bir amerıkalyq boksshy Rıarýsa Dadlımen (5-1-1, 2 KO) aıqaspaq. Bizdiń otandasymyz Aıdos Erbosynuly tórt kezdesýdiń ekeýin Ýkraınada, qalǵan eki jekpe-jekti óz elimizde ótkizgen bolatyn. Al 23 naýryzdaǵy aıqas onyń AQSh aýmaǵyndaǵy alǵashqy jekpe-jegi bolmaq.