Memleket basshysy Nursultan Nazarbaev Gennadıı Golovkınge WBA (Super), WBC, IBO jáne IBF tujyrymdary boıynsha kásipqoılar arasyndaǵy bokstan álem chempıony ataǵyn qorǵap qalýyna baılanysty quttyqtaý joldady, dep habarlady Aqordanyń baspasóz qyzmeti.
Qazaqstan Prezıdenti Nursultan Nazarbaev G.Golovkınniń qarymdy qarsylaspen jantalasqan jekpe-jekte asqan sheberlik, qajymas qaırat jáne naǵyz sportshyǵa tán minez kórsetip, chempıondyq ataqtaryn taǵy da laıyqty qorǵap qalǵanyn atap ótti.
«Seniń jeńisiń barsha qazaqstandyqtarǵa zor qýanysh syılap, olardyń júregin elimizge jáne otandyq boks mektebine degen maqtanysh sezimine bóledi», – delingen quttyqtaýda.
Sońynda Nursultan Nazarbaev G.Golovkınge myqty densaýlyq tilep, sportta jańa jetistikterge jetýine nıettestik bildirdi.