Mańǵystaý oblystyq Densaýlyq saqtaý basqarmasy basshysynyń mindetin atqarýshy K.Oralbaevanyń aıtýynsha, oblystyq balalar aýrýhanasy ujymy «Naýryzym - ulttyq aıshyǵym» baıqaýyn jarııalap, qatysýshylar Qazaqstannyń ár óńiriniń salt-dástúri, tarıhy men tabıǵı baılyqtary, Uly Otan soǵysynyń ardagerler, tanymal sportshylary, zııaly tulǵalary týraly tanymdyq suraqtarǵa jaýap berýden saıysqa tústi. Bas júldeni Batys Qazaqstan týraly suraqtarǵa jaýap bergen travmotologııa jáne lor bólimshesi utyp alsa, 1-oryndy Atyraý oblysy týraly suraqtarǵa jaýap berýmen júldeger atanǵan ákimshilik toby jeńip aldy. Al, 2-oryndy Mańǵystaý oblysyna qatysty salt-dástúr, mádenıetke qatysty saýaldarǵa jaýap berýmen qyzyqtyrǵan jan saqtaý bólimi ıelense, Jambyl oblysynyń tarıhy men mádenıetin aıtqan júıke júıesi aýrýlary bólimi júldegerler tobyn tııanaqtady.
Naýryzdyń aıshyqty sharasy Mańǵystaý oblystyq juqpaly aýrýlar aýrýhanasynda jalǵasyn tapty. Munda qonaqtardy ulttyq kıim kıgen qyzdar burala qarsy alsa, kelinder sálem etip, orta jastaǵy analar shashý shashyp qarsy aldy. Uıymdastyrýshylar qonaqtarǵa óz qoldarymen daıyndalǵan ulttyq atǵam túrlerin usynyp, konserttik baǵdarlamasyn usyndy jáne atalmysh aýrýhananyń qyzmetkerleri óz aralaryndaǵy kóp balaly otbasylarǵa qaıyrymdylyq qoldaý kórsetken.
150-ge jýyq adam jumys jasaıtyn Mańǵystaý oblystyq narkologııalyq dıspanser ujymy Naýryz toıdyń sánin asyra tústi. Dıspanserdegi 5 ujym ózara ulttyq kıimder men oryndaýshylyq sheberlikterin ortaǵa salyp, jarys alańyna shyqty. Dıspanserdiń ardagerlerin shaqyryp, qurmet kórsetti. Al, merekeni toılaýdy Amal kúninen, ıaǵnı 14 naýryzdan bastap ketken Jańaózen qalalyq №2 emhanasy qyzmetkerleri jumysqa ulttyq kıimmen kelip, mereke qarsańynda tetarlandyrylǵan qoıylymdar qoıdy.
Qazirgi tańda 4 jasqa deıingi 19 bala tárbıelenip jatqan Balalar Úıi bolsa zalǵa arnaıy kıiz úı tigip, balalarǵa arnap dastarhan jaıyp, syılyqtar úlestirdi.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.